News
now browsing by category
जाडोमा तातो मन पर्छ तर तातो काल पनि डाक्छ
सुनुवार डट ओआरजि, काठमाडौं ।
जाडोको मौसम । कतै तपाईँ पनि कोठाभित्र आगो ताप्दै हुनुहुन्छ कि ! हजुर त्यसो गर्दै हुनुहुन्छ भने अलिकति होसियारी अप्नाउने पो हो कि ! आज (पौष २५) को कान्तिपुर पृष्ठ ३ मा एउटा समाचार छापिएको छ, निस्सासिएर आमाछोरीको मृत्यु । हो, जाडोको मौसम सबैलाई न्यानो मन पर्छ । त्यस माथि त सुत्केरीलाई त न्यानो चाहिन्छ नै । कसलाई मन नलाग्ला र आफ्नो सन्तान र मायालु जीवन संगिनीको माया । जाडोमा कठिङ्गराएर राख्न सक्ने कुरा नै भएन । तर त्यही मायाले काल पनि निम्त्याउन सक्छ । हिजो राती ललितपुर चापागाउँ निवासी २९ वर्षीय तुलसी घिमिरे र उनको छोरीले अकालमै मर्नु परेउ । उनका पतिले श्रीमती र छोरीलाई माया गरेर न्यानो बनाउन आगोको जोहो त गरे तर त्यही मायाले आफ्नी श्रीमती र छोरीको ज्यान गयो ।
यस्तो घटना काठमाडौंमा हरेक जाडोको मौसममा घटीरहन्छ । यसर्थ कोठामा आगो फुक्दा वा कोइला बालेर नानी वा सुत्केरी सेक्दा झेल ढोका सधै खुला राख्नु पर्ने हुन्छ । बच्चा वा बुढाबुढी, सुत्केरीलाई सेकीसकेपछि आगोका कोइलालाई कोठा बाहिर निकालेर निभाउनु पर्दछ । चिकित्सकका भनाई अनुसार कोठामा आगो बाल्दा हावा चलखेल गर्ने बाटो बन्द भएमा अक्सिजन कमी भई कार्वन मोनोअक्साइड ग्याँस उत्पन्न भई मानिसको मृत्यु हुन सक्दछ ।
के हो कार्वन मोनोअक्साइड ?
कार्वन मोनोअक्साइड ग्याँस रंगहीन, गन्धहीन विषलु ग्याँस हो । यसलाई न देख्न सकिन्छ न त चाख्न वा सुँघ्न नै । कार्वन मोनोअक्साइड त्यतिखेर उत्पन्न हुन्छ जब ग्याँस, तेल, कोइला, पेट्रोल वा दाउराबाट निक्लने कार्वनयुक्त इन्धन हावाको कमीका कारण पूर्णरुपमा डढ्न सक्दैन । यसको विषक्त प्रभावबाट बच्न सम्बन्धित उपकरण उपयोगका बेला घरभित्र हावाको ओहोरदोहोर कायम राख्नुपर्छ । पूरै वा आंशिक बन्द स्थान वा कोठामा कार्वन मोनोअक्साइड बढ्छ । यो विषलु ग्याँस सासको माध्यमबाट रगतमा मिसिएपछि अक्सिजनलाई सोस्नबाट रोक्छ । यो प्रक्रियाले शरीरलाई नोक्सान मात्र पुराउँदैन, ज्यानै जान सक्छ । ( के हो कार्वन मोनोअक्साइड ?, कान्तिपुर दैनिक पृ. ३)
आँस इँगि सायाको विमोचन
थारिथिमलो क्याःब र क्याःब नाइलुद्धारा लिखित आँस इँगि साया को कविता संग्रह साहित्यकार मनबहादुर सुनुवारद्धारा विमोचन गरियो ।
उक्त कार्यक्रममा कवि तथा साहित्यकार अतीत मुखिया लगायत डा। लाल रापचाद्धारा पुस्तकको बारेमा प्रकाश पार्नु भयो ।
कार्यक्रममा कोइँच सुनुवार साहित्यको विकास र उत्थानका लागि हामीले अझै पनि धेरै प्रयास गर्नुपर्ने कुरा साहित्यकार अतीत मुखियाले प्रकाश पार्नुभयो । कोइँच साहित्यको श्रृंखलामा कवि थारिथिमलो क्याःब र क्याःब नाइलुको संग्रहले एउटा इँटा थपिएको बताउनुभयो ।
उक्त कार्यक्रममा कविता संग्रहमाथि प्रकाश पार्दै डा। लाल रापचाले कोइँच सुनुवार साहित्यको सुरुवात, नेपाली साहित्यको विकास र अन्तर्राष्ट्रिय साहित्यको बारेमा पनि चर्चा गर्नुभयो ।
कार्यक्रममा कविद्धयको मन्तव्यको क्रममा थारिथिमलो क्याःब विदेशमा रहनुभएकोले उहाँको टेलि मन्तव्य प्रस्तुत गरियो । त्यसपछि अर्का कवि क्याःब नाइलुको मन्तव्य प्रस्तुत गर्नुभयो ।
सुनुवार सेवा समाजको आठौं उद्घाटन सम्मेलनको दृश्यहरु
सुनुवार सेवा समाजको आठौं उद्घाटन सम्मेलनको दृश्यहरु हेर्नलाई याहाँ क्लिक गर्नुहोला अथवा http://gallery.sunuwar.org/thumbnails.php?album=23 link copy paste गर्नुहोस् ।
सुनुवार सेवा समाजको आठौं राष्ट्रिय सम्मेलनले १७ सदस्यिय नयाँ केन्द्रिय समिति चयन गर्यो
समाचारदाता,
सुनुवार डट् ओआरजी;
अन्तत: फुकाउन नसकेको गाँठोलाइ सामान्य प्रकृयाद्वारा नै फुकाउन सम्भव भयो, २०६७ साल, पौष ११ गते, प्रात: १:३५ वजे; सुनुवार सेवा समाजको आठौं राष्ट्रिय सम्मेलनले १ लाख भन्दा बढि किराँत सुनुवारको प्रतिनिधित्व गर्ने १७ सदस्यिय नयाँ केन्द्रिय समिति चयन गर्यो ।
नव निर्वाचित पदाधिकारिहरुको नामावलि:
१. अधक्ष्य – श्री मन प्रसाद सुनुवार (ललितपुर)
२. प्रथम उपाधक्ष्य – श्री रणवीर सुनुवार (भक्तपुर)
३. द्वितिय उपाधक्ष्य – श्री शान्त कुमारी सुनुवार (झापा)
४. तृतिय उपाधक्ष्य – श्री देवेन्द्र कुमार सुनुवार (पाँचथर)
५. महासचिव – श्री खडोश सुनुवार (रामेछाप)
६. सचिव – श्री शान्त वहादुर सुनुवार (ओखल्ढुङ्गा)
७. कोषाधक्ष्य – श्री निर वहादुर सुनुवार (उदयपुर) Read More
सुनुवार सेवा समाजको आठौं सम्मेलन
सुनुवार डट ओआरजि तथा दुरदा डट कम समाचारदाता
जाति, भाषा, संस्कृतिको संरक्षण र सम्वद्र्धनमा हाम्रो अभियान : शैक्षिक, सामाजिक एवं आर्थिक विकासको लागि आठौं सम्मेलन ।।
मूल नारा सहित सुनुवार सेवा समाज, केन्द्रीय समितिको आठौं सम्मेलनको उद्घाटन अनमोल क्याटरिङ, नयाँ बानेश्वरमा भव्यताका साथ सम्पन्न भयो ।
२०४४ सालमा स्थापित सुनुवार सेवा समाज कोइँच (सुनुवार) हरुको प्रतिनिधिमुलक संस्था हो ।
विहान ११ बजे सुनुवार सेवा समाजको केन्द्रीय समितिबाट प्रभातफेरि बृहत ¥याली कोटेश्वर, तीनकुने, संविधान भवन नयाँ बानेश्वर हुँदै अनमोल क्याटरिङमा आएर उद्घाटन सम्मेलनमा परिवर्तन भएको थियो ।
प्रमुख अतिथि: राजकुमार लेखी, विशेष अतिथि : सभासद् दालकुमारी सुनुवार, अतिथि : मनोरमा सुनुवार, अमृत सुनुवार, युवाराज जिरेल, दन्तुराम बाहिङ, लोकेन्द्र जेरो किराती अदि हुनुहुन्थयो । Read More
उधौली षाँदरका दृश्यहरु
यसपालि पनि सदाको झै किराँत कोइच (सुनुवार)हरुले उधौली षाँदर भब्यताका साथ मनाए। सो दिनका दृश्यहरु हेर्नलाई याहा क्लिक गर्नुहोला ।
उधौली षाँदर, साकेला, चासोक ताङनाम चोसोवा भब्यरुपमा मनाइदै …।।
६ पौष, २०६७ ललितपुर ।
काठमान्डु उपत्यकामा बसोवास गर्ने सम्पुर्ण किरांत समुदायले ललितपूर स्थित हातिबन र नखिपोटमा उधौली षाँदर, साकेला, चासोक ताङनाम चोसोवा मन्दिरमा उपस्थित भै आफ्ना इष्ट देवी देवता को पुजा गरि ष्यादर, साकेला, चासोक ताङनाम सिली गरेका थिए ।