News
now browsing by category
१५ बुँदे सुझावसहित पालिकालाई धन्यवाद ज्ञापन
गएको गणतन्त्र दिवस जेठ १५ गते खिजीदेम्बा गाउँपालिका ओखलढुङ्गाका अध्यक्ष गम्बु शेर्पाले काेइँच सुनुवार, शेर्पा र तामाङ भाषालाई पालिकाकाे सरकारी कामकाजी भाषाकाे मान्यता दिने घोषणा गरेका थिए । साेहीअनुसार कार्यपालिकाको पहिलो वैठकबाट सर्वसम्मतिले काेइँच सुनुवार, शेर्पा र तामाङ भाषा गाउँपालिकाको कामकाजी भाषा पारित भएको थियाे । पालिकाकाे उक्ता ऐतिहासिक निर्णयलाई अति स्वागतयाेग्य निर्णयकाे सङ्ज्ञा दिँदै कामकाजी भाषा कार्यन्वायनकाे लागि पालिकालाई काम गर्न सजिलाे हाेस् भनेर सुनुवार सेवा समाजले १५ बुँदे सूझावसहित धन्यवाद ज्ञापन पत्र गाउँपालिकालाई बुझाएको छ ।
गाउँपालिकाले शेर्पा, तामाङ र सुनुवार भाषालाई कामकाजी भाषाको मान्यता दिने निर्णयको स्वागत गर्दै उक्त निर्णयलाई व्यवहारमा ल्याउनको लागि पालिकालाई नयाँ घाेषित कामकाजी भाषालाई कार्यन्वायन गर्न सजिलाेकाे लागि सहकार्य स्वरुप अन्य गाउँ र नगरमा भएकाे अभ्यास र नजीकै छिमेकी राज्य सिक्किमकाे अभ्यासलाई समेटेर सुनुवार सेवा समाजले १५ बुँदे सुझाव दिइएको बताउँदै सङ्घीय अध्यक्ष रणवीर सुनुवारले अगाडि थप्नुभयो, ‘अध्यक्ष गम्बु शेर्पा, विशेष कामका कारण पालिकामा उपस्थित हुननसकेको हुँदा उपाध्यक्ष सुशिला तामाङको हातमा उक्त सुझाव बुझाएका छौं । पालिकाले सरकारी कामकाजी भाषालाई जति सक्दो विशेष व्यवस्था मिलाएर कार्यन्वायनमा ल्याउनुहुने छ भन्ने आशा राखेका छौं । काेइँच सुनुवार भाषाले पहिलाे पटक नेपालमा भाषाकाे आफ्नाे जन्मथलाेमा सरकारी कामकाजी भाषाकाे मान्यता पाएकाे छ । याे खुशीकाे कुरा हाे । पालिकाले चाहेकाे अवस्थामा सुनुवार सेवा समाजले जुनसुकै समय काेइँच सुनुवार भाषाकाे हकमा सहयाेग र सहकार्य गर्ने वचन दिन्छ साथ साथै याे अति स्वागतयाेग्य निर्णय पारित गरेकाेमा पालिकाका सबै जनप्रतिनिधि र सहयाेग कर्मचारी र राजनीतिकर्मी समाजसेवी तथा अभियन्तहरुलाई समाज समष्टिमा हार्दिक आभर प्रकट गर्दछ।’
सुनुवार सेवा समाज ओखलढुङ्गाका निवर्तमान अध्यक्ष तथा सल्लाहकार देवीध्वज सुनुवार, सुनुवार सेवा समाज ओखलढुङ्गाका पुर्व अध्यक्ष तथा सल्लाहकार बुद्धि मुलिच, सुनुवार सेवा समाज फलाटेका अध्यक्ष कविराज सुनुवार र सुनुवार किरात युवा समाजका अध्यक्ष सूर्यप्रकाश सुनुवारहरुकाे सङ्युक्त पहलकदमीमा उक्त सुझाव पालिकालाई बुझाइएकाे हाे ।
सूझावमा गाउँपालिकाले तत्काल गर्नसक्ने अल्पकालीन काम र दीर्घकालमा गर्ने कामलाई एउटा अध्ययन समिति बनाइ तत्काल कार्यन्वायन गर्न सूझाव दिइएको छ । र तत्कालकाे लागि सुनुवार सेवा समाजले पनि पालिकासँग सहकार्य गरेर साथ दिने वचन व्यक्त गरिएकाे छ ।
तस्वीर : देवीध्वज सुनुवार र रणवीर सुनुवार
कामकाजी भाषामा पालिकाले गर्नुपर्ने कामहरु वारे सुनुवार सेवा समाजले दिएकाे सुझाव
१. गाउँपालिका तथा वडाको कामकाजी भाषाको लिपिमा साइनबोर्ड राख्ने ।
२. गाउँपालिका र वडापालिकाहरुको कामकाजी भाषाको लिपिमा लेटरप्याड बनाउने ।
३. चरणवद्धरुपमा पालिकाभित्रका सबै कार्यालयहरुको लेटरप्याडहरुमा कामकाजी भाषाको लिपिमा वजनपिबजमायगभयउभ
४. गाउँपालिकाको लोककल्याणकारी विज्ञापन र सूचनाहरु सबै कामकाजी भाषामा प्रकाशन र प्रसारण गर्ने ।
५. ठाउँ ठाउँमा राखिने स्थान नामहरुको सूचनाबोड कोइँच लिपिमा राख्ने ।
६. गाउँपालिका तथा प्रहरी चौकीमा सुविधानुसारको भाषामा वयान र उजुरी दिन पाउने व्यवस्था मिलाउने ।
७. बहुभाषिक शिक्षा नीति लागु गर्ने ।
८. गाउँपालिकाले अमुर्त साँस्कृतिक सम्पदा सर्भेक्षण गरी संरक्षणको नीति बनाउने ।
९. गाउँपालिकास्तरीय सरकारी कामकाजको भाषामा परेको निवेदन र उजुरी उपर कारबाही बढाउने संयन्त्रको अध्ययन गर्ने र कार्यन्वयन गर्ने ।
१०. गाउँपालिकाको वेभसाइडलाई सबै कामकाजि भाषामा डिजाइन गरी बहुभाषिक बनाउने ।
११. अनलाइन तथा अफलाइन गुनासो सुनुवाइ गर्ने वहुभाषिक सूचना केन्द्रको व्यवस्था गर्ने ।
१२. कामकाजी भाषालाई सरकारी कार्यालयमा कार्यन्वयन गर्न सम्बन्धित भाषाका विज्ञ सहितको अध्ययन तथा सूझाव समितिको गठन गर्ने ।
१३. विस्तारै सम्बन्धित सरकारी कामकाजी भाषाको जनशक्तिहरुको उत्पादन तथा व्यवस्था गर्दै लैजाने /
१४. गाउँपालिकाको राजपत्र काेइँच भाषामा प्रकाशन गर्ने ।
१५. काेइँच भाषामा नागरिक बडापत्र बनाउने ।
काेइँच लिपिमा पु्र्खाराधनासहित शिलालेख कपेर ७० केजीकाे घण्ट चढाइयाे
काेइँच लिपिमा पु्र्खाराधनासहित शिलालेख कपेर काःतका दुमा मुइलि शाँदार पिदारमा ७० केजीकाे घण्ट चढाइएकाे छ । सुनुवार सेवा समाजका सङ्घीय अध्यक्ष रणवीर सुनुवारकाे समुपस्थितिमा आज २०७९ साल जेठ ३१ गते विधिवत आदार पिदार गरी घण्ट चढाइएकाे हाे । वर्षकाे दुइ पटक उँधाैली उभाैली काेरा शाँदार पिदार गरिँदै आएकाे यस शाँदार ग्याेराङ (थान)बाट काेइँच भुमीकाे अन्य ८ मुइलिकाे शाँदार ग्याेराङ समेतकाे दर्शन गर्न सकिन्छ । यस वर्षकाे वैशाख पुर्णिममा गरिनुपर्ने शाँदार पिदार चुनावकाे कारणले पर सरेकाे थियाे भने घण्ट स्थापनाकाे लागि समेत पुर्वाधार नबनीकाे हुँदा एक महिना पछि सारेर शाँदार पिदार गरिएकाे हाे । र शाँदार पिदारकै दिन विशेष कारणले शाँदार गर्न नसकेकाे अवस्थामा विशेष क्षमापूजासहित पाँच दिन वा एक महिना पछि पनि शाँदार पिदार गर्न सकिने काेइँच परम्परागत नियम चलीआएकाे पाइन्छ ।
हङकङ कर्मथलाे बनाएका काःतका अग्रज तथा युवा समाजसेवीहरु मुलिच नरेश सुनुवार (ठुले) पुच्छारखिँ फाेत काःत, मुलिच श्यामकर्ण सुनुवार पुच्छार खिँ फाेत, ख्याेम्पातिच विष्णुप्रसाद सुनुवार (विश्वकिरण) पुश्पाते काःत, मुलिच बीरबहादुर सुनुवार फाेत काःत, र बुजिच नवीनकुमार सुनुवार (तारा) फाेत काःतले उक्त घण्ट चढाएका हुन् । नेपालमा उक्त घण्ट स्थापना गर्ने सहजीकरण कुलदीप सुनुवार स्मृति काेषका उपाध्यक्ष राजकुमार सुनुवार (राजन) ले गर्नु भएकाे हाे ।
तस्वीर साभार : Indra K Sunuwar र Ram Sunuwar काे फेसबुक वालबाट ।
कतारमा किराँतीहरुले उभौलि चाड – ५०८२ मनाए।
दोहा, कतार : – किरातहरूले आफ्नो महान् राष्ट्रिय चाड शालिवा श्यादर पिदार, यक्वा तङनाम, साकेला उभौली-५०८२ भव्य रूपमा मनाएका छन्।
कतारमा स्थापित तीन किराँती संस्थाहरू सुनुवार सेवा समाज, किरात याक्थुङ चुम्लुङ कतार र किरात राई यायोक्खा शाखा कतारको किरात मूल समारोह आयोजक समितीद्धारा संयुक्त आयोजनामा शुभकामना आदानप्रदान तथा विविध सांस्कृतिक कार्यक्रम सम्पन्न भएको छ।
कार्यक्रम सुनुवार सेवा समाज शाखा, कतारका अध्यक्ष नीरबहादुर सुनुवारको सभापतित्वमा र नेपाल आदिवासी जनजाती महासंघ कतारका अध्यक्ष पुरुषोत्तम सुनुवारको प्रमुख आतिथ्यमा ब्यानर अनावरण र दिप प्रज्वलन साथ नेपालि राष्ट्रिय गान, कर्मभुमीलाई सम्मान साथ कतारको राष्ट्रिय गान र “यो भुमी चुम्ने” किराँती राष्ट्रिय गानबाट कार्यक्रम अघि बढेको थियो। Read More
स्वघोषणा अभियान स्थागन
सानोहात्तीवन किरात धार्मिक वनमा गुरुयोजनानुसार सुनुवार सेवा समाजका माङहिम प्रतिनिधि कोषाध्यक्ष शोभा सुनुवार र सुसेस काठमाडौं अध्यक्ष गोपाल सुनुवार लगायत सुनुवार विद्यार्थी समाजका पुर्व सदस्य तथा इण्डिजिनिअस टेलिभिजनका अध्यक्ष देवकुमार सुनुवार तथा सुनुवार डट ओआरजिका सञ्चालक पाम सुनुवारको पहलमा कोइँचको मौलिक शाँदार ग्योर निर्माण गर्न पूर्खा तथा प्रकृति पूजन स्वघोषणा अभियान आजदेखि स्थागन भएको छ । उक्त स्थागनको सूचना सामाजिक सञ्जाल मार्पmत देवकुमार सुनुवार, गोपाल सुनुवारले स्थागन जानकारी गराउनु भएको छ । उक्त जानकारीमा स्वघोषणा अभियानमा सहभागी हुने सबैलाई आभार प्रकट गर्दै सबै इच्छुक दानवीर पवित्र मनहरुलाई सहभागी गराउन नसकेकोमा क्षमासमेत मागिएको छ । Read More
कम्युनिष्टले खोस्याे काङ्ग्रेसले दियो : नारा र व्यवहारमा फरक ।
–कोइँचबु काःतिच ।
नेपाल कम्युनिष्ट पार्टीको केपी ओली सरकारले खोसेको विदा काङ्ग्रेस गठबन्धनकाे देउवा सरकारले पुन दिएको छ । काङ्ग्रेस नेतृत्वकाे गठबन्दन देउवा सरकारले आदिवासी जनजातिकाे चाडहरुलाइ राष्ट्रिय चाडकाे मान्यता दिँदै २०७९ सालदेखि पुनः सार्वजानिक विदाको रुपमा स्वीकृत गरेको छ । झट्ट बाहिरबाट हेर्दा प्रगति उन्नतिको कुरा गर्ने अग्रगामी कुरा गर्ने कम्युनिष्टहरुले आदिवासीको वाकलता गर्ने राजनीतिक पार्टी देखिए पनि व्यवहारमा भने आदिवासीको अधिकार खुम्चाएर वर्गीय कुरा गर्दै बढी जातिवादी र नव दलाल पूँजीवादी पार्टी भएको प्रमाणित गरेर देखाए ।
जनता समाजवादी पार्टीबाट मन्त्री बनेका राजेन्द्र श्रेष्ठको सिफारीसमा उक्त विदा पुन प्राप्त भएको उहाँको फेसबुक पेजमा पढ्न पाइएकाे थियाे । तर यसभन्दा अगाडि पनि मन्त्री परिषदमा सिफारीसकाे लागि लगिएकाे विदाहरु कटाैती भएका थिए । यसैले राजपत्रमा सुचना प्रकाशन नभएसम्म सरकारको निर्णयलाई आधिकारीक मान्ने गरिँदैन र आदिवासीहरु पनि विश्वास्त हुन सकेका थिएनन् । तर पार्टीगत जस लिने होडबाजी भयाे भनेर नै गृह्य मन्त्तालयले सार्वजानिक विदाको भ्रम वारे विग्याप्ति समेत जारी गरेकाे थियाे ।
जे होस अब अर्को सरकार आदिवासीकै वाकलता गर्ने सरकार भएमा वा आएमा हाम्रा चाडहरुले सरकारबाट निरन्तर राष्ट्रिय चाडको मान्यता पाउने र सार्वजानिक विदा पाइने देखियो । पुनः सन्कहा सरकार सत्तामा पुगे आदिवासीले पाएको कानुनानुसारको अधिकार पनि खोसिने रहेछ भन्ने चेत सबैमा जाग्नुपर्ने देखिएकाे छ । यसैले राजनीतिक पार्टी छान्दा पनि व्यावहारिक र अव्यवहारिक, मुखमा रामराम वगलीमा छुरा गर्ने पार्टीहरुलाई चिनेर मात्रै छान्नु पर्ने देखियो । अब विचार पुराउन पर्ने भाे कि पार्टीहरु छान्दा कसकाे हितमा पार्टीले काम गरीरहेकाे छ भन्ने कुरामा सबैले सोच्नुपर्ने देखिएकाे जानकारहरुको अभिव्यक्ति पढ्न र सुन्नमा आएको छ । सार्वजानिक विदामा के कस्तो राजनीति हुने गर्दोरहेछ भन्ने कुरा सबैले भाेग्नु भयाे । अब जरुरी छ कि आउँदाे चुनावमा गल्ती गर्नु हुँदैन विवेककाे प्रयाेग गर्नुपर्छ । आदिवासीहरु पाे कहिले जाग्लन जानकारहरुको भनाइ रहेको छ ।
इलाममा सुनुवार संस्कृतिलाई पर्यटनसित जोडिँदै
-मिलन मुखिया
इलाम नगरपालिकाका प्रमुख महेश बस्नेतले सिमान्तकृत वर्गका किरात सुनुवार समुदायको धार्मिक, भाषिक, साँस्कृतिक पक्षलाई पर्यटन व्यवसायसित जोडेर लैजानुपर्ने बताउनु भएको छ । इलाम नगरपालिका, वडानम्बर ३, पुवामझुवाको चैतेस्थित सुनुवारहरुको धार्मिकस्थल “ष्याँदर ग्योर” परिसरमा निर्मित “कोइँच मुल्केम खिँ” (सुनुवार साँस्कृतिक संग्रहालय भवन) को उद्घाटन गर्दै आइतबार सो वताउनु भएको हो । कार्यक्रमको उद्घाटन समारोहमा उपमेयर सुशीला नेम्बाङसमेत उपस्थित हुनुहुन्थ्यो । दुई तले संग्रहालय भवन नगरको २१ लाख २५ हजार रुपैंया र बाँकी स्थानीयको योगदानगरी कूल २५ लाख रुपैयाँमा निर्माण भएको जानकारी दिइएको छ । चैतेमा अवस्थित सुनुवार समुदाय पाटेनागी पर्यापर्यटन क्षेत्र अन्तर्गत प्रबेशद्धारको रुपमा रहेको छ । सुनुवारहरुको आफ्नै भाषा, लिपी, धर्म, संस्कृति, रीति र परंपरा भएकाले सोको विकास र प्रबद्र्धन गर्दै पाटेनागी पर्यटनसंगै जोड्न चाहेको मेयर बस्नेतको भनाई छ ।“यो सुरुवात मात्र हो ।” मेयर बस्नेतले अगाडि भन्नु भयो,“ हामी यस समुदायको साँस्कृतिक विकासमा थप कामहरु गर्दै जानेछौं ।” त्यसै गरी आइतबार नै मेयर बस्नेत र उपमेयर नेम्बाङले वडानम्बर ३, पुवामझुवास्थित वीणापाणी मावि परिसरमा निर्मित नयाँ दुई तले चार कोठे विद्यालय भवनको पनि उद्घाटन गर्नुभएको छ भने अध्यक्षता वडाअध्यक्ष तिर्थ गुरुङ्गले गर्नुभएको थियो। सो भवन सहित वडानम्बर १ को जनता आधारभूत विद्यालय र वडानम्बर ९ को भगवती माध्यमिक विद्यालयमा एकै खालको भवन जम्मा ९४ लाख ४१ ह्जार, आठसय १८ रुपैंयामा बुद्धिष्ट निर्माण सेवाले ठेक्का पारी निमार्ण सम्पन्न गरिएको हो । यसअघि वडाकै जल्केनीस्थित सानो पुवा खोलामा निर्मित मोटरेबल पुलमा तरेर उद्घाटनसमेत गर्नुभएको थियो । कार्यक्रममा नगरपालिकाका प्रमुख प्रसासकीय अधिकृत कालीबहादुर भुजेल, शिक्षा तथा सामाजिक विकास शाखा प्रमुख प्रेम गौतम, इन्जिनिय दिपक प्रसाद गुरागाँई, कार्यपालिका सदस्य पृथसिंह सुनुवार, सुनुवार सेवा समाजका प्रतिनीधि, पाटेनागी पर्यटन समिति समिति प्रतिनिधी, नगर पर्यटन प्रबद्र्धन समिति प्रतिनिधी, बिद्यालय प्रतिनीधि, वडा प्रतिनीधि लगायतको उपस्थिती थियो । इलाम नगरपालिकाले वडामा गरेका थुप्रै काममध्ये यी दुई पनि मुख्य काम भएको स्थानीयको भनाई छ।
प्रवासमा किरातिहरुले नयाँ वर्ष मनाए।
दोहा / गत १४ जनवरी २०२२ शुक्रवारका दिन कतारमा स्थापित किराती सँस्थाहरु किरात राई यायोख्खा शाखा कतार, सुनुवार सेवा समाज शाखा कतार र किरात याक्थुङ चुम्लुङ कतारको संयुक्त आयोजनामा जुम भर्चुअलको माध्यमबाट किराती नयाँ वर्ष येले दोङ/थोचे/तङ्वे ५०८२ को सुखद शुभकामना आदान प्रदान कार्यक्रम सम्पन्न भएको छ । उक्त कार्यक्रम किरात मुल समारोह आयोजक समितिका संयोजक शंकर मान राईको सभापतित्वमा र नेपाल आदिवासी जनजाति महासंघ कतारका अध्यक्ष पुरुषोत्तम सुनुवारको प्रमुख आतिथ्यमा सदस्य सचिव शुभराज सुनुवारले सन्चालन गरेको उक्त कार्यक्रममा महासंघ कतारमा आवद्ध मातृ सँस्थाका अध्यक्ष तथा प्रतिनिधिहरु, महासंघ कतारका सल्लाहकारहरु र समाजसेवी व्यवसायी साथै किरातिहरुको बाक्लो सहभागिता रहेको थियो । संयोजक र प्रमुख अतिथिबाट व्यानर अनावरण, दिप प्रज्वलन र राष्ट्रिय गानका साथ सुरु भएको उक्त कार्यक्रमा समितिका उपसंयोजक हर्क खजुम लिम्बूले कार्यक्रमको औचित्य माथी प्रकाश पार्दै सहभागिहरुलाई स्वागत गर्नु भएको थियो । कार्यक्रममा स्थापनाकाल देखि योगदान पुर्याउदै आउनु भएका सुनुवार सेवा समाज शाखा कतारका संस्थापक तथा संरक्षक पुरुषोत्तम सुनुवार, किराया शाखा कतारका संस्थापक तथा पुर्ब अध्यक्ष अमृत कुमार राई र कियाचु कतारका अग्रज तथा विशेष सल्लाहकार केवल पहिमलाई संस्थालाई दिनु भएको अतुलनिय योगदानको सम्मान गर्दै फेटा र दोसला ओढाई सम्मान पत्रको साथ सम्मान गरिएको थियो । किराति पहिलो राजा यलम्बरको पाला देखि सुरु भएको येले सम्बतको रुपमा हरेक माघ एक गते किरात नयाँ बर्ष मानिदै आएको छ। यसैलाई किरात राईहरुले येले दोङ / सुनुवारहरुले नक थोचे र लिम्बुहरुले येले तङ्बे भन्ने गरेको छन । शुभकामनामन्तव्य दिने क्रममा महासंघ कतारका अध्यक्ष तथा प्रमुख अतिथी पुरुषोत्तम सुनुवारले किरात नयाँ बर्षको अवसरमा शुभकामना साथै किरात नयाँ बर्षको बारेमा थप प्रस्ट पार्दै कार्यक्रमको पुर्ण सफलताको कामना गर्नु भएको थियो । कार्यक्रममा शुभकामना मन्तब्य दिने क्रममा महासंघ कतारका प्रमुख सल्लाहकार शिव कुमार भुजेल, सल्लाहकार धिरज चाम्लिङ, लगायतका सल्लाहकारहरु, मातृ संस्थाका प्रमुख तथा प्रतिनिधिहरु, लगायत तीन किरात संस्थाका सलाहकार तथा पुर्ब अध्यक्षहरुबाट शुभकामना मन्तब्य राख्नु भएको थियो। यसैगरी उपसंयोजक सेर बहादुर सुनुवारले आफ्नो शुभकामना दिदै कार्यक्रममा जोडिनु हुने सबैलाई धन्यवाद दिनुका साथै कार्यक्रम सभापति शंकरमान राईले किरातिहरुको एकताको प्रसम्सा गर्दै कार्यक्रमलाई सफल पार्न आरोहत्र खट्नु हुने तिनै संस्थाका सदस्यहरुलाई र जुम भर्चुअलमा सहभागी रहनु हुने सबै सबै प्रती हार्दिक धन्यवाद ज्ञापन गर्दै कार्यक्रम समापन गर्नु भएको थियो ।