Archives
now browsing by author
किरात सुनुवार महिला समाज युके अध्यक्षमा मीना सुनुवार
४ मार्च सन् २०१७ आइतबार बेलायत स्थित फान्ब्रोरोमा किरात सुनुवार महिला समाज युकेको ऐतिहासिक प्रथम अधिबेशन भब्यताको साथ सम्पन्न भएको छ l श्रीमती गङ्गा माया सुनुवारको सभापतित्वमा सम्पन्न उक्त कार्यक्रममा, नेपाल आदिबासी जनजाति महिला महासंघ बेलायतकी अध्यक्ष श्रीमती बिमला कुमारी राइको प्रमुख आतिथ्य रहेको थियो l अधिबेशन कार्यक्रमलाई सभा अध्यक्ष र प्रमूख अतिथि दुवारा पानसमा दिप प्रज्वलित गरेर समुद्घाटन गरिएको थियो l बेलायतमा छरिएर बसोबास गरेका किरात सुनुवार महिलाहरुको एकता ,व्यक्तित्व र नेतृत्व बिकासको उद्देश्ले सन् २०१३ मा किसुमस युकेको स्थापना भएको थियो l १०७औ अन्तराष्ट्रिय महिला दिवसको अवसर पारेर “परिबर्तनको लागि साहस ” लाइ आत्मसात गदै,महिला सशक्तिकरण र सचेतना खातिर आफुहरु पूर्ण रुपमा जागरुक रहेको भन्दै, सहभागी महिलाहरुबाट नारी दिवसको शुभकामना ,आमन्त्रित अतिथिहरुबाट मन्तब्य एबम संस्थाको संगठानिक प्रतिबेदन प्रस्तुति संगै पहिलो चरणको कार्यक्रमलाइ बिट मारिएको थियो l कार्यक्रमको दोस्रो चरणमा श्रीमती मीना देवी सुनुवारको अध्यक्षतामा किसुमस युकेको प्रथम कार्य समितिको चयन गरिएको छ जसमा निम्न पदाधिकारिहरु चयन भएका छन् ।
पदाधिकारीहरु Read More
प्रधानमन्त्रीले तोप होइन, अधिकार दिने प्रतिवद्धता दोहोर्याउनु भयो ।
मिङमा सिं तामाङ
काठमाडौं । प्रधानमन्त्री पुष्पकमल दाहाल ‘प्रचण्ड’ले तामाङहरुलाई अधिकार दिन तयार रहेको बताउनु भएको छ । प्रदेश नम्बर ३ को भेला काठमाडौंमा सम्बोधन गर्दै प्रधानमन्त्रीले तोप होइन, अधिकार दिने प्रतिवद्धता दोहोर्याउनु भयो । उहाँले भन्नु भयो ‘ल्होछारमा तोप पड्काएर काम छैन्, अधिकार दियो भने काम हुन्छ ।’
भेलालाई सुरुमा नेपाल तामाङ घेदुङको केन्द्रीय अध्यक्ष मोहन गोलेले ल्होछारमा टुडिखेलमा तोप पड्काएर प्रधानमन्त्रीज्यूलाई सलामी गर्नुपर्ने भन्दै माग राखेका थिए । प्रधानमन्त्रीले भेलाको सफलताको शुभकामना दिनु हुँदै आदिवासी जनजातिको कार्यक्रमहरुमा सरकार पनि मिलेर भव्य रुपमा मनाउने बताउनु भयो । उहाँले भन्नुभयो–माओवादीको दशबर्षे जनयुद्ध सफल पार्नमा तामाङहरुको बिशेष योगदान रहेका छ ।
भेला सुरु हुनुअघि दिउँसो १२ बजे काठमाडौंको भृकुटीमण्डपबाट भव्य र्याली शुरु भई सहिदगेट, एनएसी भवन, भोटाहिटि, जमल हुँदै कमलादी स्थित नेपाल प्रज्ञा प्रतिष्ठानमा आइपुगेको थियो । र्यालीमा बृहत ताम्सालिङ प्राप्तीका नाराहरु लगाईएको थियो । नेपाल तामाङ घेदुङ– जिन्दवाद, तामाङ एकता – जिन्दवाद, तामाङ घेदुङ एक हौऔँ – एक हाँऔं, तामाङ युवा एक हौऔँ – एक हौऔँ, ताम्सालिङ विरोधि होसियार – होसियार होसियार, ताम्सालिङ प्रदेश घोषण गर – घोषण गर, पहिचान, संघिय संरचना कायम गर– कायम गर.., राष्ट्रिय जनवार गाई खारेज गर – खारेज गर, ताम्सालिङ बिनाको संविधान मान्दैनौं – मान्दैनौं, समानुपातिक प्रतिनिधित्वको सुनिश्चित गर–सुनिश्चित गर, आई एल ओ १६९ कार्यान्वयन गर– कार्यान्वयन गर, सरकार र ताम्सालिङ संघर्ष समिति बीचको सहमती कार्यान्वयन गर– कार्यान्वयन गर जस्ता नाराहरु लगाईएको थियो । र्यालीमा विभिन्न भाषिक संघसंस्था, तामाङ डाजाङ, तामाङ सेमलेङ न्हान, नाङसाल क्लब नेपाल लगायत संघसंस्थाहरुको ब्यानरसहित सहभागीता रहेको थियो ।
र्यालीमा घेदुङकै साँस्कृतिक विभागका साँस्कृतिक टोली, तामाङ कलाकार संघ, विभिन्न जिल्लाका घेदुङका समितिहरु, विद्यार्थी घेदुङ, महिला घेदुङ, युवा घेदुङ लगायतका संस्थाहरुको ब्यानरसहित सहभागीता रहेको थियो । भेलामा तामाङ कलाकारहरुले गीतहरु प्रस्तुत गरेका थिए। प्रादेशिक भेला उद्घाटन शत्र सकिएपछि बेलुकी ६ बजेबाट बन्दशत्र तथा प्रशिक्षण कार्यक्रम भएको थियो ।
किराँतीहरूले उधाैली हर्षाेलासका साथ मनाए ।
सुनुवार डट ओआरजी समाचारदाता ।
२८ मंसीर, ललितपुर । प्रकृति र पित्री पुजक किराँतीहरुले परिश्रम गरेर रोपेको अन्नबाली घरमा भित्राउन पाएकोले मंसीर पुर्णिमा अन्नबाली प्रकृतिलाई चढाइ (नोवागी) पुजा गरी आफुहरुले खानुका साथै इश्टमित्र र नातागोता सँग मिलर खादै हर्षोलासका साथै ढोल झ्याम्टा बजाउदै उधाैली पर्व अाज ललितपुर, इलाम र विभिन्न ठाऊहरुमा मनाए ।
सुनुवार सेवा समाज बचत तथा ऋण सहकारी लि.को चौथो साधार सभा सम्पन्न ।
सुनुवार डट ओआरजी समाचारदाता ।
काठमाडौं । सुनुवार समाज बचत तथा ऋण सहकारी संस्थाको चौथो बार्र्षिक साधारण सभा सुनुवार सेवा समाज भवन कोटेश्वर ३५मा शनिबार सम्पन्न भएको छ । साधारण सभा कार्याक्रममा प्रमुख अतिथि सुनुवार सेवा समाज केन्द्रीय कार्य समिति अध्यक्ष रणवीर सुुनुवार रहेका थिए भने कार्यक्रमको सभा अध्यक्ष मन प्रसाद सुनुवार रहेका थिए । उक्त कार्यक्रम सभाअध्यक्ष सुनुवारले सहकारीको भाविनिति तथा योजना बारे र प्रगति प्रतिवेदन प्रस्तुत गरेका थिए । कार्यक्रममा अतिथि निर सुनुवारले सम्पूर्ण सुनुवार समुदाय एक हुनु जरुरी रहेको बताए । त्यसैगरी डा.लाल रापचले पनि सबै सुनुवारहरुले सामुहिक लगानी गर्न आबश्यकता रहेको बताए । टिकाराम मुलिचाले अरुबाट भन्दा पनी सुरुवात आफूबाटै गर्नु जरुरी रहने कुरा प्रस्ट पारेका थिए ।
चौथो बार्षिक साधारण सभा सम्बन्धी सूचना
यस सुनुवार सानज बचत तथा ऋण सहकारी संस्था लि.को मिति २०७३/०८/१२ गते बसेको संचालक समितिको बैठक बाट निर्णय भए बमोजिम निम्न मिति, स्थना र समयमा संस्थाको चौथो बार्षिक साधारण सभा बस्ने भएको हुदा सम्पूर्ण शेयरधनी सदस्य महानुभावहरुमा उपस्थितिको लागि हार्दिक अनुरोध गरिन्छ ।
सभा हुने स्थान र समय
मिति २०७३/०८/२५ गते
स्थान : सुनुवार सेवा समाज भवन ३५, काठमाडौं
समय : दिनको १२ः ३० बजे
आदिबासी जनजाति चलचित्र महासंघमा पुनः अमृतबहादुर सुनुवार अध्यक्षमा निर्वाचित ।
सुनुवार डट ओआरजी समाचारदाता।
१८ भदौ, काठमाडौं । आदिबासी जनजाती चलचित्रकर्मीहरुको हक अधिकार तथा बिकासको साथै आदिबसीको सस्कृती पहिचान एवम जगेर्नाको निमित्त स्थापित आदिबासी जनजाति चलचित्र महासंघको चौथो महाधिवेशन सम्पन्न भएको छ । महादिधवेशनले पुनः अमृतबहादुर सुनुवारलाई अध्यक्षमा निर्वाचित गर्नुको साथै नौ सदस्यीय कार्यसमितिमा उपाध्यक्षमा सृजना सुब्बा, युगबहादुर गुरुङ, बिकु थोकर, महासचिबमा पुर्खाजित राई, सचिबमा बिवश बुढा मगर, सिजिका माझी, र कोषाध्यक्षमा बिजेन्द्र बज्रचार्य निर्वाचित भएका छन् भने सहकोषाध्यक्ष पछि मनोनयन गरिने भएको छ ।
पहिचानको खोजी
जब जब महिला अधिकारको सवालहरु आउछन यो ३३% महिला अधिकारको कुरा गरि रहदा मलाइ सधैं जसो यो बाक्लो दिमागमा आदिवासी महिलाहरुको अधिकारको कुरा तेर्सिएर आउथ्यो कि हामी आदिवासी महिलाहरुको अधिकार कहिले सुनिश्चित होला र हामी जनजाति महिलाहरुको चेतना कसरी आउला भनेर अनेकन प्रस्न घुमी रहन्थ्यो यो मानसपटलमा ,तर आज मेरो सबै कुराको समाधान भएर आए जस्तो महसुस भयो किन कि त्यो सबै मन भित्रका इच्छाहरुलाई वकालत गर्ने एउटा अदालतको रुपमा इन्डिजिनियस मिडिया फाउन्डेसनले हामी माझ “पहिचानको खोजी” नामक पुस्तक सार्बजनिक गरेको छ र आज नै मेरो हातमा परेको छ र मैले आफुलाइ रोक्न सकिन सरसर्ती पल्टाइ पनि हाले खुसी लाग्यो यो किताब भित्र आदिवासी महिलाहरुको खुराक अनि एउटा दरिलो स्तम्भ खडा भएको महसुस गरे। यो पुस्तकमा आदिवासी महिलाहरुलाइ न्याय गरेको पाए उनिहरुको बौद्धिक , धार्मिक , सास्क्रीतिक ,मौलिक, बिबिधताको महत्त्वपूर्ण कुराहरु समेटिएको पाए। राजनिती सास्क्रीतिक सामाजिक र रास्ट्रीय स्तरमा जनजाति महिलाहरुको सन्दर्भ बिमर्शलाई खुबै जोड दिएको पाइयो। पुस्तक भित्र धेरै लेखहरु समाबेश थिए समग्र आदिवासी महिलाहरुको जिवनशैली रहनसहन पेशा जस्ता महत्वपूर्ण एजेन्डाहरु प्रस्तुत गरिएको थियो र अधिकारको लागि सडक आन्दोलन शिक्षा चेतनाको खोजी जस्ता कुराहरुले साच्चिकै केही हदसम्म हामी जस्ता आदिवासी महिलाहरुलाइ ब्युझाउछ कि भन्ने सकारात्मक पक्ष बोकेको पनि अनुभव गरे। केही मेरो ब्यक्तिगत खड्केको कुरा यसमा २०१६ देखि २०७३सम्म पचिस वटा बिबिध लेखहरुमा केही आदिवासी महिलाहरुको मात्र लेखहरु समेटिएको पाए ।५९ जनजाति महिला सस्थाहरुमा २५ आदिवासी महिलाहरुको कुरा मात्र उठेको पाए र जब आदिवासी महिला भित्र पनि सिमान्तक्रुत अति सिमान्तकृत लोपोन्मुख अल्पसंख्यक जस्ता महिलाहरु छन तर उनिहरुको त्यति लेखहरु आएको पाइन जो अलि प्रकाश मा छन त्यो मात्र आएको हो कि भन्ने मेरो भान मात्र हो। सबै महिलाहरुको मात्री सस्थाहरु सग सहकार्य गरेर सबैलाइ समेटेको भए झन सुनमा सुगन्ध हुने थियो कि? आशा छ अब आउने अर्को अंकमा लिखु पारी वारिका महिलाहरुको जीवन शैली , थाक खोलाको थकाल्नी जस्ता लेखहरु समेटिएर सबै जातीय महिलाहरुको पहिचान सहितको लेखहरु आउने आशामा छु। यो भित्र मलाइ चित दुखेको कुरा जुन यश भित्र भोजपुरे रैनी भनेर श्रीकृष्ण जोशिले राइनी महिलाहरुको नजान्दो पाराले अलि होच्याउने दुस्साहस गरेको देखे राइनिहरु आफ्नो स्वार्थको लागि जस्लाइ पनि चेपारो बोली लगाइ फसाउने जस्तो कुरा बाल बिबाह गर्नु आफ्नो पेटमा गर्व हुँदा पनि अर्को केटा सग जाने प्रथा हाट्बजारमा जो सग पनि लाग्नु अनि पोइलाइ जानू र गएको स्वास्नी फेरि फर्काएर लिने चलन हुन्छ भनेर राइनी दिदिबहिनी हरु मात्र होइन सबै आम जनजाती दिदिबहिनी हरुको इज्जतमा पतङ्ग उडाएको जस्तो लाग्यो किन कि उहाँ त बाहुन न पर्नु भयो नगरे जस्तो गरेर तिर त हानेकै हो नि ।यो गल्ती उहालाइ लेख लेख्न दिनुमा भयो कि जस्तो लाग्छ।तर उहाको जबाफ थुलुङ्प्रसाद मान राई ज्युले बजारेर दिनु भएको छ सायद अब यस्तो लेख्ने दुस्साहस कुनै अरु जोशी हरुबाट हुँदैन होला। अन्तमा यो इन्डिजिनियस मिडिया फाउन्डेसन ले प्रकासक गरेको पहिलो किताब आदिवासी महिलाहरुको मेरुदण्ड नै हो आउने दिनहरुमा पनि यस्त पुस्तकहरु बजारमा आउने आशा गर्दै अझै पनि अरु प्रगती होश भन्न चाहन्छु । अनि हार्दिक आभार प्रकट व्यक्त गर्दछु सम्पादकीय कैलाश राई ज्यु र लेखक ज्युहरु सबैलाइ अनि प्रकासक टिम इन्डिजिनियस मिडिया फाउन्डेसनलाई शुभकामना ब्यक्त गर्दछु ।
शोभा सुनुवार
सुनुवार समाज केन्द्रिय समिती
कोषअध्यक्ष