पहिलाे युद्ध साहित्य पुरस्कार पाउनुहुने केदार संकेतलाइ
यात्रा स्पर्शका अभियान्ता केदार संकेत सुनुवारकाे अफगानी रणमैदानले यस वर्षकाे युद्ध साहित्य पुरस्कार २०७८ प्रदान गरिने भएकाे छ । प्रत्येक दुइ वर्षमा वितरण गरिने गरी स्थापित युद्ध साहित्य पुरस्कार काेषकाे ५० हजार राशीकाे पहिलाे पुरस्कार अफगानी रणमैदान उपन्यासलाइ २०२२ मा एक भव्य समाराेह आयाेजना गरी प्रदान गरिने छ ।
संकेतकाे सैनिक पेशामा आबद्ध हुँदादेखि वर्तमानसम्म आफूले देखेका र भोगेका युद्धका अनुभूतिहरु अफगानी रणमैदानमा समेटिएकाे छन् । उहाँका ‘आफै जलेको देश’ र ‘संकेतका कविताहरू’ (कवितासंग्रह), ‘एथेन्सको झरी’ (नियात्रा), पैयुँका फूलहरू (हाइकु संग्रह), ‘अफिम फुल्ने देशमा’ (खण्डकाव्य), ‘ताँ गो तेकेरे नुङ’ (कोइँच–सुनुवार मातृभाषाको कवितासंग्रह) र ‘बुद्धल्यान्ड टु स्विजरल्यान्ड’ (नियात्रा) प्रकाशित छन् ।