उद्देश्य के लिनु उडि छुनु चन्द्र एक : वधाई सानुबाबु

Photo source : http://www.examiner.com

प्याराग्लाइडिङ र कायकिङ
सानु, भयो तिम्रै पेवा
(कोइँचमा पेवाको विशेष महत्व छ ।¬¬)
लिखु (लिकु) र सुनकोशी (ङाबुकु¬) को दोभान
बाबु भो, तिम्रो बाल्यकालदेखिको खेवा ।
हिमालका पानीसँग खेलेका तिमी
मेची–काली चरा जस्तै उडेका तिमी
संसारको छानोमा मारेनौ मात्र बुर्कुसी
हामफाल्यौ त्यही माथिबाट हावामा कावा खेल्दै
थुप्लुक्क जुअ्थायौ कस्तुरीको सुवासमा लट्पुटिँदै
धेरै–धेरैको सपनालाई दिवा स्वप्न बनायौ
आफ्नै माटोमा उर्वर पसिना खनायौ
सानुबाबु ठूलो ठूलो ठू……लो बाबु बन्दै जाऊ
उद्देश्य के लिनु उडी छुनु चन्द्र एक…
मुरि–मुरि साधुवाद
अँजुलीभरि पुष्पगुच्छासहित शुभकामना
असिम माया र हार्दिक वधाई सानुबाबु ।

–सुनुवार डट ओआरजि, दुर्दा डट कम, चुप्लु समाज