गजल

-मोमिलन सुनुवार

छामेर मुटुको चोट छातिमा राप थामी आएँ

विकट छनि यो संसार दुखव्यथा छानी आएँ।।

कोहि छन दरिद्र सपना नै नभएका पनि

सम्वृद्द कथा सुनाउदै जानि नजानी आएं।।

शत्रुछन धेरै पछाडि धकेल्न मात्रै जानेका

भोक र सोकले डुबेको ठाउँ यो ठानी आएँ।।

सबैको मानवता पसलको सामान सरह छ

फर्क ए ! नबेच इज्यत भन्दै तानितानी आएँ।।

अँध्यारो व्यावहारले हुन्छ वैरी आफै हो आफ्नो

आफू भित्रकै कालो मनलाई दोष मानी आएँ।।

खुलु-६ सैपु रामेछाप।