Recent Comments

सुनुवार सेवा समाजको महासचिव र सचिवद्धारा राजिनामा, संस्था अस्तव्यस्त अवस्थामा

भगत सुनुवार

सुनुवार सेवा समाज, केन्द्रीय समितिका वर्तमान महासचिव खडोस सुनुवार र सचिव मनोज सुनुवारले आफ्ना असन्तुष्टीहरु सहित पदबाट राजिनामा दिएकाछन् । विशेष राष्ट्रिय सम्मेलन समपन्न भएको सात महिना नवित्दै राजिनामा दिनुमा नेतृत्वतहमा रहेका केही व्यक्तिहरुको संस्थामाथि अनावश्यक हालिमुहाली, संस्था संचालनमा उनीहरुको असक्षमता, अदुरदर्शिता, सवै सुनुवारलाई समेटनुकोसट्टा संस्थामा चरम गुटवन्दी र आफूहरुमाथीको धाकधम्कीनै मुख्य कारण रहेको भनाई उनीहरुको रहेको छ । संस्थागत प्रकृया, निर्णय र सामूहिक नेतृत्व भन्दा पनि व्यक्तिबादी प्रवृति र चिन्तन संस्थामा हावीभएका कारण अहिलेको अवस्था सृजना भएको भनाई समेत उनीहरुको रहेको छ । विधानले महासचिव र सचिवलाई तोकेको अधिकार र कार्य अरुकसैले लहडवाजीमा विधी प्रकृयानपुर्याइ गरिदिनाले पनि उनीहरु राजिनामा दिन वाध्य भएको भनाई समेत केही केन्द्रीय सदस्यहरुको रहेको छ ।> यसरी संस्थाको महसचिव र सचिव दुवै जनाले राजिनामा दिएपछि संस्थाको वैठक कसले वोलाउने भन्ने अन्यौलताका कारण संस्थाको वैठक बस्नमा कठिनाइ भएको देखिन्छ । महासचिव र सचिवले राजिनामा फिर्ता नलिएमा उपाध्यक्ष सहित अन्य ७ जना केन्द्रीय समितिका सदस्यहरुले समेत पदबाट राजिनामा दिने मनस्थितिमा रहेको वुझिएको छ । विधानमा सल्लाहकार परिषद्को व्यवस्था भएता पनि सात महिना वितिसक्दा सम्म सल्लाहकार परिषद् गठन गर्न नसक्नाका कारण अहिलेको समितिका पदाधिकारीहरु कुइरो भित्रको काग जस्तै भएकाछन् । आफूले पनि कुनै समाधानको उपया निकाल्न नसक्ने र राय सुझावका लागि सल्लाहकार परिषद् समेत गठन नभएका कारण संस्था थप जटिलता तर्फ उन्मुख भएको देखिन्छ । स्मरणरहोस आठौ केन्द्रीय कार्य समिति चयनको विषयलाई लिएर उठेका विवाद सम्मानीत सर्वोच्च अदालतको उत्प्रेषण रिट खारेजी र जिल्ला प्रशासन कार्यालय, काठमाडौबाट विधान सम्मत अर्को निर्वाचन गर्नु भनि संस्थाको नाममा आएको लिखित निर्देशननुसार संस्थाको विशेष राष्ट्रिय सम्मेलन गत मंसीर ३० देखि पौष १ गते सम्म काठमाडौमा आयोजना गरिएको थियो । यसरी मेजरपदहरुमा रहेका सातजना मध्ये एकजना उपाध्यक्ष र एकजना सचिव वाहेक अन्यसवै मेजरपदका पदाधिकारीहरु अघिल्लो विवादित टिममा रहेका व्यक्तिहरुनै रहेका छन् । तीन वर्ष सम्म अघिल्लो कार्य समितिमा र अहिले ६ महिना समेत गरी जम्मा तीनवर्ष ६ महिना दोहोरिएर मेजरपदहरुमा रहेका केही व्यक्तिहरुकै संस्थामा हालिमुहाली रहेको कारण अहिलेको अवस्था सृजना भएको भनाइ विभिन्न सुनुुवारहरुको रहेको देखिन्छ । यिनै पदाधिकारीहरुहुन जसले अघिल्लो तीन वर्षसम्ममा पनि सल्लाहकार परिषद्को गठन गर्न सकेका थिएनन् ।

अहिलेको केन्द्रीय समिति प्रति आम सुनुवारहरुको भरोसा र विश्वास टुट्दै गएको देखिन्छ । प्रमुखत निम्न विषयहरुका वारेमा अहिलेको सुनुवार सेवा समाज, केन्द्रीय समिति चुकेको देखिन्छ ।

१) ठोस नीति तथा कार्यक्रमको अभाव
तीन वर्ष ६ महिना वितिसक्दा पनि संस्थाको ठोस नीति तथा कार्यक्रम अझै वनेको छैन् । सातौ सम्मेलनमा तत्कालिन अध्यक्ष टंकराम सुनुवारको पालाकै नीति तथा कार्यक्रमलाईनै तानतुन पारी अहिलेको नीति तथा कार्यक्रम मानिएको छ । नीति तथा कार्यक्रम समय सापेक्ष वन्नसक्नु पर्दछ । भोलिको दिनमा संस्थाले कस्ता कार्यक्रमहरु गर्दै छ भन्ने स्वयम केन्द्रीय समितिमा रहेका व्यक्तिहरु अनभिज्ञ छन् । यसर्थ विशेष साधारण सभाको तत्काल आयोजना गरी नयाँ नीति तथा कार्यक्रम सहित संस्थालाई अगाडि वढाउनु जरुरी देखिन्छ ।

२) विधानमा व्यवस्था भएवमोजिम विभिन्न समितिको निर्माण र सल्लाह परिषद्को गठन हुननसक्नु
संस्थाको केही समितिहरुको निर्माण भएता पनि अझै अरु समितिहरुले पूर्णता पाएको देखिन्दैन र समितिगत गतिवीधिहरु प्राय सून्यनै देखिन्छन् । सल्लाहकार परिषद् गठन नभएको ३ वर्ष ६ महिना भएको देखिन्छ । यसरी विभिन्न समितिले पूर्णता नपाउदा र सल्लाहकार परिषद् अहिले सम्म गठन नहुनाका कारण संस्थाको गतिवीधिमा सून्यता र अहिलेको जटिलता आएको देखिन्छ । यसर्थ विभिन्न समितिलाई पूर्णतादिन र अविलम्व सल्लाहकार परिषद्को गठन गरिनु जरुरी देखिन्छ, जस्का कारण संस्थामा देखिएका समस्याहरुको किनारा लगाउन सल्लाह सुझाव वेलैमा प्राप्त होस ।

३) आदिवासी जनजातिका सवाल, संविधान सभा र राज्यको पुनर्संरचनाका वारेमा घनिभूत छलफल चलाउन नसक्नु
आदिवासी जनजातिका सवाल, संविधान सभा र राज्यको पुनर्संरचनाका वारेमा सुनुवार जातिका वीचमा र अन्य जात जातिहरुका वीचमा समेत घनिभूत छलफल चलाउन ढिलो गर्नु हुँदैन । कार्ययोजना सहित केन्द्र देखि गाउँ समिति सम्म यी विषयहरुका वारेमा अविलम्व छलफल चलाइनु पर्दछ । गैह्रआदिवासी जजनजातिबाट मात्रै नभइ आदिवासी जनजातिबाट समेत सुनुवार जातिको अधिकार अतिक्रमण र हनन हुनसक्ने सम्भावनाका वारेमा समेत सचेत रहनु पर्दछ । ठूलो माछालो सानो माछालाई निल्ने प्रवृतिबाट सजक रहनु जरुरी देखिन्छ ।

४) आदिवासी जनजाति महासंघ र आदिवासी जनजाति महिला महासंघको सम्मेलनमा कुनै भूमिका निर्वाह गर्न नसक्नु
आदिवासी जनजाति महासंघ र आदिवासी जनजाति महिला महासंघको राष्ट्रिय सम्मेलन अहिलेकै समितिको कार्यकालमा समपन्न भए । तर यी दुवै सम्मेलनका वारेमा सुनुवार सेवा समाजको भूमिका सून्य देखियो । दुवै महासंघमा सुनुुवार सेवा समाजको प्रतिनीधित्व गराउन अहिलेको समिति चुकेका छ । यी दुवै सम्मेलनका सुसेसको स्पष्ट दृष्ट्रिकोण र विचारका अभावका कारण प्रतिनीधित्व हुन नसकेको स्पष्ट हुन्छ ।

५) संस्थालाई आर्थिक एवं संगठानिक एवं आर्थिक रुपमा मजवुद गराउन नसक्नु
संस्थालाई आर्थिक रुपमा कसरी मजवुद वनाएर लैजाने भन्ने कुनै योजना केन्द्रीय समितिमा अहिलेसम्म वन्न सकेको देखिन्दैन । न कुनै छलफलको आयोजना नै । विचार र आर्थिक सवालमा संस्था खोक्रो देखिन्छ । लेवी ले समेत निरन्तरता पाएको देखिन्दैन् । प्राकृतिक प्रकोप, राष्ट्रिय विपतिमा सुनुवार जातिलाई पुर्याइने मानविय एवं आर्थिक सहयोगका वारे केन्द्रीय समितिको भूमिका सून्य रहेको  देखिन्छ । सम्मेलनताका जतिसुकै समिति निर्माणका हल्ला चलाएता पनि गाउँ र जिल्ला स्तरका गतिवीधि समेत सून्य देखिन्छ । विभिन्न समितिका वैठक र भेटघाट सून्यछन् । केन्द्रबाट न तल्लो समितिलाई सर्कुलर जानेगरेको छ न तल्लो समितिले माथिल्लो समितिलाई प्रगतिप्रतिवेदननै वुझाउने गरेका छन् । यसरी केन्द्र र तल्ला समितिका वीचमा सम्पर्क र सम्वन्ध स्थापित नभएकै कारण समग्र सुनुवारहरुले सुनुवार सेवा समाज छ भन्ने अनुभूति गर्न सकेका छैनन् ।

अवको निकास ः अविलम्व केन्द्रीय समितिको वैठक डाकिनु पर्ने
महासचिव र सचिवले दिएको राजिनामाका कारण अहिले संस्थामा उत्पन्न जटिल परिस्थितिलाई मध्यनजर राख्दै अविलम्व केन्द्रीय समितिको वैठक डाकिनु जरुरी देखिन्छ । सल्लाहकार परिषद्को गठन नभएको अहिलेको अवस्थामा संस्थाका अग्रजहरु, सुनुवार समाजसेवी र स्वयम महासचिव र सचिवको उपस्थितिमा उनीहरुले दिएको राजिनामाका वारे मिहिनरुपमा केन्द्रीय समितिमा छलफल चलाइनु उपयुक्त देखिन्छ । जसबाट गल्ती भएको छ, आफ्नो गल्ती स्वीकार्दै दिलैदेखि माफि माग्दै आगामी दिनमा गल्ती नदोहरयाउने शर्तमा र कानुनको वर्खिलाप नहुने गरी माफिमिनाह सहित सवै पदाधिकारीहरु एकभएर अगाडि वढने वातावरणको श्रृजना गरिनु पर्दछ । संस्थाको खातिर र हितमा दुवैजनाले आफ्नो राजिनामा समेत फिर्ता लिनु पर्दछ । राजिनामा फिर्ता नलिने र राजिनामा स्वीकृति गर्ने लहडवाजि संस्थामा रहेमा र यसै राजिनामा प्रकरणका कारण थप अन्य पदाधिकारी र सदस्यहरुले समेत राजिनामा दिनेक्रम नवढला भन्न सकिन्न । वेलैमा वुद्धि पुर्याउन सकेमा संस्थालाई थप संकटबाट मुक्त गर्न सहजता हुनेछ । अन्यथा विशेष राष्ट्रिय सम्मेलनको माग फेरी नउठला भन्न सकिन्न ।

हामीले वितेकादिनहरुबाट शिक्षालिदै र माथी उल्लेखित विषयहरुलाई समेत मध्येनजर राख्दै सुनुवार जातिको एकतामा त्यागगर्न सक्नुपर्दछ । कमीकम्जोरी वितेका दिनमा जसजसका भएकाछन् सवैले म–म भन्दै आत्मालोचित हुन उपयुक्त ठहरिन्छ । सुनुवारहरु विवादमात्रै नगरी आवश्यक परेकावेला एकहुन सक्दछन् भन्ने सन्देश आगामी दिनहरुमा अगाडि लैजान सक्नु पर्दछ । सुनुवारहरुमा रीस आवेग माात्र नभई उनीहरुमा पनि सदभाव, मेलमिलाप र एकअर्का प्रतिको विश्वास अझै कायम रहेछ भन्ने सन्देश गाउँ र विदेश सम्म पुर्याउनु अतिनै जरुरी देखिन्छ ।

One Response to “सुनुवार सेवा समाजको महासचिव र सचिवद्धारा राजिनामा, संस्था अस्तव्यस्त अवस्थामा”

  • आहा…कतिम्रो सु सुमाचार देखन र हेर्न पियो यो दुनियामा बाच्दा गाठे ,धमिराले जस्तोसुकै घर पनि यक दिन यक दिन ढाल्छ भन्थे आज प्रमाणित भय जस्तो लगेउ.कुनै कुनै मित्रहरु ले यतिबेलासम्म चलाउन पायको भय समाजको अस्तितो खोज्दै गल्लीगल्ली चाहर्दै हिनु पर्थियो.समाजको भाडा तीनकुनेको सेकुवा कर्नरमा बुज्ने,थप्ने सुहाका मित्रहरुलाई जलन भयको थियो.कुखुराको सपेटा र जिन रोयाल्स्तेक चुस्किलौं नपाइने भो भनेर छात्पतियर चौतर्फी हारगुहार मागेर भौतारियाका समाजलाई बर्सौ देहि चुस्न पल्केकाहरुको मिसन अन्तमा सफल्परेरै छाडे.
    मित्रहरु हालीमुहाली गर्न नपाउदा पानी माथीको ओभानु बनेको देख्दा सरो हासो उठेर आउछ.यो पनि सोच्द राम्रो हुने थियो कि हामी समेतिमा बस्दा के के कम गरिउ,कतिको सुमधुर समन्ध कायम गर्न सकेका थियु भनेर सोचन नभयको होकी फुर्सदले सचन बिर्सेको मैले बुजन सकिन.सस्था को भाडा समेत तिर्न नसकेर सस्थाको लालपुर्जा समेत धितो राखेको त उहिलेका साथीहरुले बिर्सेको छैनन् जस्तो लाक्छ. जानीजानी बिर्सनेलाई के भन्नु र,औता औलाले अरुलाई घोच्दा चार ओत औलाले आफ़ुलैनै घोची राखेको देहिन्न नि महासय जिउहरु.
    सस्था हाक्छु भन्ने हल्का अगुवा महासय जिउहरुलै पनि मेरो औता सुजब या कालो मान्छेको तितो बोलि के भन्न मंलाग्छा भन्नु या मान्न गर्नु.के बन्देखी केन्द्र हाक्नु राष्ट्र हाक्नु भनेको १घर १ गाउ ,१उता जिल्ला हाक्नु हाके, चलाय जस्तो होईन.सदु सन्त मित्र दुस्मन सबैलाई मिलायर अघि बढ्नु सक्नु पर्छ,अनिमात्र केन्द्रको नेतामा गनिन्छा सकिन्छ ,रास्ट्रको सफल नेतामा सफलता हासिल भइन्छ,हिन्छ.

Leave a Reply

Enable Roman to Nepali languages (To type in English, press Ctrl+g OR just Click on the letter)

Subscribe
Archives