मिलोशिलो पाइचा

ताँ माराम ब्लाक चिपतिमे,
आँ पिया काइयो पोअ्ने माचाबु,
गुइ ग्याइशा किअ्ब मुरु माथिङा,
मोदे दा काई गेथि बोअ्ने माचाबु ।।

गेथ् लाचा कालि मुर पेचचा मालताउ,
मुर पेचचा कालि खोइल किःचा मालताउ,
खोइल किःचाकालि मुरुआन खोइल थिचा मालताउ,
गेथ लाचा कालि मुरु खोइल थिने माचाबु,
मोदे दा काई गेथ बोअ्ने माचाबु ।।

आँऽमा गेथ बोअ्चा कालि
लाफचो रोअ्चा मालताउ,
लाफचो रोअ्चा कालि
मुर का निअ्शी तोअ्चा मालताउ,
मुर का निअ्शी तोअ्चा कालि
लुङगिराम ब्लाः थोअ्चा मालताउ,
गेथ बोअ्चाकालि मुरआन…
लुङगिराम ब्लाः थोअ्ने माचाबु,
मोदे दा काइ गेथ बोअ्ने माचाबु ।।

सुर्य प्रकाश सुनुवार (चेरेहामसो)

Share

2 Comments to मिलोशिलो पाइचा

  1. kormoch says:

    लाफचो रोअ्चा कालि
    मुर का निअ्शी तोअ्चा मालताउ,
    ………….
    ……………
    लुङगिराम ब्लाः थोअ्ने माचाबु,
    मोदे दा काइ गेथ बोअ्ने माचाबु ।।

    बबाल् रहेछ है यो कविता चाहि ।

  2. Bapuns Sunuwar says:

    Thank you koinch kumsho dherai blecha dumla marde hana kumsho ke kitab shapcha malba koincha nel kali yo dumba rimsho shabda waissha blecha hai hajur.

Leave a Reply

Your email address will not be published.