तिहार रक-पप

आजभोलि कान्छी तिमी कता छ्यौ कहाँ

शून्य गाउँ छैनन बथान संगिनीका सब ।

भैलिनिले कति खोजि र’छा तिमीलाई यहाँ

राती माटी पोत्ने दलानमा छैनन हेर अब ॥

पोतिएको छ घरगाउँ हिजोआज शहरिया रंगले

मर्म छैन भैलिनिको मौलाउँदै पप-डिस्को खाली ।

उराठ लागी छोडिसक्यो हेर मारुनीको भाकाले

छैन रौनक तिहारको अचेल टुकी दियो बाली ॥

देउसुरेको छैन भाका छैन मादलको ताल

झयाउरे चुट्का छैनन खाली डिस्को हिपहप ।

देउसीभैलो हराइसके किन किन यहाँ आजकल

बस्न थाले बूढापाका चुहाउँदै आँशु तपतप ॥

–———— समीर मुखिया (सुनुवार)
खिँचि, चुप्लु