वानेश्वरमा संसद भयो जुवातासको खाल जस्तै… इन्द्रसेन कोरमोच सुनुवारको गजल
सुस्त सुस्त हिर्डाई देशको कछुवाको चाल जस्तै
समयको रफ्तार भने सुनकोशीको छाल जस्तै ।
साँढे जुद्धा बाछाहरु मिचाइमा त परेकै छन्
रगतको होली खेल्या उही पुरानो साल जस्तै ।
देश दुःखेर निस्सासिँदै आशाहरु चोइटा पर्दा
वानेश्वरमा संसद भयो जुवातासको खाल जस्तै ।
सडकभरि रगत पोती गणतन्त्र आए पनि
परिवर्तन भन्नु मात्रै सबै राणा काल जस्तै ।
-माझगाउँ (दाःथेदेल) खिँची, चुप्लु ओखलढुंगा
(यो गजल सुनुवार डट ओआरजि, दुरदा डट कम र चुप्लु समाजको संयुक्त साहित्यिक तथा चलचित्र प्रदरसनी कार्यक्रममा वाचन गरिएको हो ।)