Recent Comments

‘News’

बुबाआमाको चिर स्मरणार्थ छोराछोरीहरुबाट अक्षयकोष

कतिपय छोराछोरीहरु यस्ता छन् आमाबुबाका कारण दुःख पाएँ भन्छन् । त कतिपय छोराछोरीहरु श्रीमति वा श्रीमानको कुरा सुनेर जिन्दगीभरि दुःख दिन्छन् र मरेपछि गोहीको आँशु झर्छन् । कतिपय छोराछोरीहरु आमाबुबाहरुलाई नै मरेतुल्य बनाएर उनीहरुको विरुद्ध वा उनीहरुको चाहना विरुद्ध क्रियाकलाप गरेर मरेपछि मेरो प्रगति बुबाआमालाई देखाउन सकिन भनेर पछुताउँछन् । तर यस्ता पनि छोराछोरीहरु छन् जसले बुबाआमाको अधुरो इच्छालाई पुरा गर्न आमाबुबाको चिरस्मरण गर्दै युग्युगान्तर विभिन्न सक्रिया क्रियाकलाप गर्न मरिहत्ते गरिरहन्छन् ।
जेवु, त्यस्तै आमाबुबाको नाम चिरस्मरण गरिरहने क्रियाकलापमा लागिरहनुहुने छोरीछोराहरु हुन् सावित्री, तारादेवी, अर्जुन र केदारराज गार्शि याअता सुनुवार ।
आज २०७५ साल असोज ७ गते आइतावार । दोलखा जिल्ला तामाकोशी गाउँपालिका वडा नं ७ साबिक हाबाँ गाबिस वडा नं २ रमाइलो टोल निवासी केसर सुनुवारको नाति, श्री कृष्णबहादुर सुनुवारका साइला छोरा(बुहारी श्री टेकबहादुर सुनुवार र श्री बिष्णुमाया सुनुवारको चिर स्मरणार्थमा रु १०१,००१ (एक लाख एक हजार एक रुपैयाँ) को टेकबहादुर–बिष्णुमाया सुनुवार स्मृती कोष स्थापना गरिएको छ। आदिबासी जनजाति कोइँच सुनुवारको कला तथा साहित्यमा योगदान पुराउने श्रष्टाहरु (महिला १ र पुरुष १) २ जनालाई वार्षिक रुपमा प्रोत्साहन स्वरुप नगद पुरस्कार द्वारा सम्मान गर्ने उद्देश्य रहेको छ । “आदिवासी जनजाति कोइँच सुनुवारको कला र साहित्य सारै सुन्दर छन, यो राष्ट्रकै गौरब हो तर अझै यसले जनमानसमा पहिचान नपाएकोले यो स्मृति कोष स्थापना गरेका हौं । र, हाम्रो आमाबुबाको स्मृतिका लागि हामी दिदीभाईहरु वीच सुनुवार सेवा समाज अन्तर्गत स्मृति कोष स्थापना गर्ने सल्लाह भयो । हाम्रो प्रस्ताव सुनुवार सेवा समाजले सहर्ष स्वीकार गरिदिनु भएकोमा हामी संस्था प्रति आभारी छौं ।” स्मृति कोष संस्थापक तारादेवी सुनुवारले स्मृति कोषको लागि रकम हस्तान्तरण गर्दै कोषको उद्देश्य प्रष्ट पार्नुभयो ।
“यो वास्तवमा थोरै रकम हो । तर प्रत्येक वर्ष थप्दै जाने हाम्रो लक्ष्य छ । कुनै पनि रमाइलो पार्टी भोज वा कुनै पनि दान दातव्य गरेर मोक्ष कमाउने भन्दा पनि समाजको लागि सानो रकमकै भए पनि कोष जम्मा गर्ने हुट्हुटी चल्यो । हाम्रो परिवारको कुरा मिल्यो । के कसरी जाने हो ? समाजले हामीलाई भन्नुहोला हामी हरसमय तयार छौं । सकेसम्म बुबाआमाको पुण्य तिथिमा स्मरण गर्दै केही शुभ कार्य होस्”, सावित्री सुनुवारले थप प्रष्ट पार्नुभयो ।
धन्यावाद ज्ञापनको क्रममा सुनुवार सेवा समाजका अध्यक्ष रणवीर सुनुवारले भन्नुभयो, ‘हामी प्रति विश्वास गरेर टेकबहादुर र विष्णुमाया सुनुवारको पुण्या तिथिमा स्मरण गर्ने गराउने जिम्मा सुम्पनुहुने “टेकबहादुर–विष्णुमाया सुनुवार स्मृति कोष” का संस्थापक सावित्री, तारादेवी, अर्जुन, केदार सुनुवारप्रति ऋणी छौं । तपाईँहरुले राखेको कोषबाट कम से कम प्रत्येक वर्ष १, २ जना कोइँच श्रष्टाहरुको जन्म हुने छ । उहाँहरु प्रोत्साहित हुने छन् । तपाईँ टेकबहादुर–विष्णुमायाका परिवारहरुलाई हार्दिक आभार प्रकट गर्दछौं । हामीलाई विश्वास छ धेरै अन्य सहृदयी पवित्र आत्महरुबाट पनि यस्तै शुभकार्य हुँदै जाने छ ।’ Read the rest of this entry »

प्रम ओली प्रति खेद प्रस्ताव पारित : भव्यरुपमा आदिवासी दिवस मनाइयो

विश्व आदिवासी दिवस मनाइरहेका आदिवासी जनजातिहरुले प्रधानमन्त्री केपी ओली प्रति खेद प्रस्ताव पारित गरेका छन् । आदिवासी जनजातिहरुलाई बलीको बोका बनाएर सरकारमा पुगेको कम्युनिष्ट सरकारले आदिवासी जनजातिलाई वेवास्ता गरेको पुष्टि भएको छ । प्रत्येक वर्ष प्रधानमन्त्री उपस्थित भएर विश्व आदिवासी दिवसलाई सम्बोधन गर्ने चलनलाई यस वर्ष (२०७५) मा कम्युनिष्ट प्रधानमन्त्री केपी ओलीले तोडेका छन् । नेपाल आदिवासी जनजाति महासंघले प्रमुख अतिथिको लागि निम्तो गरेको र निम्तो स्वीकार गरेर पनि अन्तै कार्यक्रममा व्यस्त भएकोले केही समय लाग्ने जानकारी गराए पनि प्रम ओली कार्यक्रमको टुङ्ग्याउनीसम्म पनि उपस्थित भएनन् । आदिवासी जनजातिको जातीय मोर्चा बनाएर चुनाव जितेका कम्युनिष्टहरुले आदिवासी जनजातिहरुलाई अधिकार दिनुको सट्टा दिनदिनै साँगुरो कानुनी दायरामा कोच्दै राष्ट्रियता र आर्थिक समृद्धिको नाममा अप्ठ्यारोमा पारिरहेको बेला यता महासंघमा आवद्ध आठ बहुसंख्याक आदिवासी जनजातिहरुले भने अल्पसंख्यक आदिवासी जनजातिहरुको इतिहाससमेत निमिट्यान्न गर्ने दुष्प्रयास भएको छ ।
पूर्व सभासद आङ दावा सेर्पाले महासंघको घोषणापत्रप्रति असन्तुष्टि व्यक्त गर्दै भन्नुभयो, ‘वहुसंख्याक जातिहरुले ल्याएको यो घोषणापत्र ७ प्रदेशमा सन्तुष्टि व्यक्त गर्दै सरकारले ल्याएको नीतिनियमलाई समर्थन गर्न जारी गरेको देखियो ।’
त्यसैगरी सुनुवार सेवा समाजका अध्यक्ष रणवीर सुनुवारले महासंघले कोइँचहरुलाई छायाँमा पर्न खोजेको जिकीर गर्दै भन्नुभयो, ‘१० प्लस १ भनेको के हो ? त्यो भनेको राज्य पुनसंरचना आयोगले सिफारीस गरेको प्रदेश हो । खोइ कहाँ आयो वल्लो किरात ? पुरानो इतिहाँस समेत मेट्न खोज्ने बहुसंख्याक भनौदाहरुलाई हामीले हाम्रो झाँकी देखाएर प्रदेश मागी दिनु ? यस्तो कुरा हामी कोइँचहरुबाट हुँदैन । यसैले कोइँचले आजको कार्यक्रममा स्टेज पर्फामेन्स गर्दैन भनेर निस्किएँ ।’
महासंघको राजनीतिक सम्मेलनमा २०६९ जेठ ९ को नौ बुँदे सम्झौतामा वल्लो किरातको आदिवासी जनजातिको पनि भूमिका रहेको उल्लेख नभए पछि सुनुवार सेवा समाजका पदाधिकारीहरुले सम्मेलनको घोषणापत्र जारी हुन दिएका थिएनन् । तर आजको घोषणापत्रमा भने वल्लो किरात उल्लेख गरेर उपाध्यक्ष नविन रोक्का मगरले घोषणापत्र सार्वजानिक गरेका थिए । तै पनि सुनुवरा सेवा समाजले उक्त घोषणापत्रलाई अपनत्व ग्रहण गर्न नसकेको अवस्था रहेको अध्यक्ष सुनुवारले बताउनुभयो ।

आदिवासी दिवसमा कोइँचको रौनकता
भृकुटी मण्डपबाट सुरु भएको झाँकीमा काठमाडौंमा रहेका कोइँचहरु स्वस्फूर्त ढोल झ्याम्टा बजाउँदै टुँडीखेल परिक्रम गरेका थिए । झाँकीमा सुनुवार सेवा समाज काठमाडौं जिल्ला, भक्तपुर जिल्ला, गोकर्णेश्वर नगर समिति, सुनुवार विद्यार्थी समाज, सुनुवरा महिला समाजको सहभागिता रहेको थियो ।
झाँकीमा सुनुवार सेवा समाजका देहाय बमोजिम सदस्यहरुको सहभागिता थियो :

सुनुवार सेवा समाज गोकर्णेश्वर नगरसमिति
१. मनु सुनुवार उपाध्यक्ष
२. कमलकुमार सुनुवार, सचिव
३. अशोककुमार सुनुवार, कोषाध्यक्ष
४.मानबहादुर सुनुवार
५. शान्त सुनुवार
६. पार्वती सुनुवार
७. सजना सुनुवार
८. गंगा सुनुवार
९. अलिशा सुनुवार
१०. टोपेन्द्र सुनुवार
११. संम्यम सुनुवार
१२. सेतीदेवी सुनुवार
१३. अर्जुन सुनुवार
१४. ज्ञानबहादुर सुनुवार
१५. युवाराज सुनुवार
१६. सुवास सुनुवार
१७. कमलबहादुर सुनुवार
१८. सृजना सुनुवार

ब्लामिच समाज
१. शिव सुनुवार अध्यक्ष
२. विष्णु सुनुवार उपाध्यक्ष
३. पूर्णबहादुर सुनुवार
४. रायल सुनुवार

सुनुवार सेवा समाज भक्तपुर
१. लेखबहादुर सुनुवार सचिव
२. लालबहादुर सुनुवार
३. दिल बहादुर सुनुवार
४. मनिसा सुनुवार
५. अलिसा सुनुवार

सुनुवार सेवा समाज काठमाडौं
१. गोपाल बहादुर सुनुवार अध्यक्ष
२. इँगिहोपो सुनुवार सहसचिव
३. बबिला सुनुवार, सदस्य
४. माधव सुनुवार, सदस्य
५. सान्ती सुनुवार
६. लक्ष्मी सुनुवार

सुनुवार विद्यार्थी समाज
१. मानवीर सुनुवार, अध्यक्ष
२. सागर सुनुवार, वरिष्ठा उपाध्यक्ष
३. विवेक सुनुवार, सचिव

सुनुवार महिला समाज
१. लक्ष्मी सुनुवार अध्यक्ष
२. शारदा सुनुवार कोषाध्यक्ष
३. तारा सुनुवार सहसचिव

सुनुवार सेवा समाज संघीय समिति
१. रणवीर सुनुवार अध्यक्ष
२. अमृतबहादुर सुनुवार उपाध्यक्ष
३. किरण मुखिया उपाध्यक्ष
४. समिर मुखिया सुनुवार महासचिव
५. कोइँचबु काःतिच सचिव
६. शोभा सुनुवार कोषाध्यक्ष
७. जीवनकुमार सुनुवार अतिरिक्त साँस्कृतिक तथा थरिकुति विभागीय प्रमुख
८. पार्वती सुनुवार (पारु)
९.कमला सुनुवार
१०. वुद्ध सुनुवार
११. राजेन्द्र सुनुवार
१२. कुमार सुनुवार
१३. दिसान्त सुनुवार
१४. सुमित्रा सुनुवार
१५. रत्ना सुनुवार
१६. कोरिना सुनुवार
१७. नारायण सुनुवार
१८. प्रेमकुमार सुनुवार
१९. मिलन सुनुवार

२०. ओकेश सुनुवार
२१. सिपी सुनुवार
सुकच समाज
१ वृहस्मान सुनुवार

महासंघको राजनीतिक सम्मेलनको घोषणपत्र जारी हुन सकेन

–काःतिच
ठूला भनौदा आदिवासी जनजातिहरुले भए रहेको इतिहास मेटेपछि नेपाल आदिवासी जनजाति महासंघको दुई दिने राजनीतिक सम्मेलनको आजको घोषणापत्र जारी हुनसकेन ।
२०६९ साल जेठ ९ गते सरकारसँग भएको ९ बुँदे सम्झौतामा वल्लो किरातको समेत भूमिका रहेको इतिहास सर्वविवितै रहँदा रहँदा पनि महासंघले तयार गरेको खेस्रामा वल्लो किरातका आदिवासीहरुको योगदानलाई उल्लेख नगरेपछि आदिवासी जनजाति कोइँचहरुले आपत्ति जनाएपछि घोषणापत्र सार्वजानिक गर्ने कार्यक्रम स्थागित भएको छ ।
साँझाको खाजा खाना खाने ३० मिनेटको समयमा सुनुवार सेवा समाजका अध्यक्ष रणवीर सुनुवार, उपाध्यक्ष अमृतबहादुर सुनुवार र सुसेस काठमाडौं अध्यक्ष गोपाल सुनुवार, सुसेस गोकर्णेश्वर उपाध्यक्ष मनु सुनुवार, रायल सुनुवारले घोषणापत्र खेस्रा तयार गर्नेहरुले वल्लो किरातका आदिवासी जनजातिहरुले आदिवासी जनजाति आन्दोलनमा गरेको योगदानको इतिहासलाई मेट्न खोजेको भन्दै उपाध्यक्ष गोविन्द छन्त्यालसँग असहमति जनाउँदै कोइँचहरुको इतिहास सम्बोधन नगरे फरक मत लेखेर घोषणपत्रमा हस्ताक्षर गर्ने अडान राखेका थिए ।
प्रतिनिधि साभाका सभामुख माननीय कृष्णबहादुर महराको प्रमुख आतिथ्यमा तमु ह्युला छोँ धि, नयाँ वसपार्क, काठमाडौंमा हिजो उद्घाटन भइ शुरु भएको दुईदिने राजनीतिक सम्मेलनमा प्राध्यापक डा. महेन्द्र लावती, डा. डम्बर चेम्जोङ र डा. मुक्तसिंह लामाले कार्यपत्र प्रस्तुत गरेका थिए ।
विभिन्न राजनीतिक पार्टीहरुमा आवद्ध राजनीतिक भातृसंगठनसमेतको सहभागिता रहेको सम्मेलनमा ठूला आदिवासी जनजातिहरुका आठ संस्थाहरुको नेतृत्वमा समूहगत छलफल भएको थियो । घोषणापत्रमा सुनुवार स्वायत्त क्षेत्र भने उल्लेख गरिएको छ ।
स्मरणरहोस् २०६९ जेठ ९ गतेको ९ बुँदे सम्झौतामा सुनुवार सेवा समाज तथा वल्लो किरातको तर्फबाट तत्कालिन अध्यक्ष मनप्रसाद सुनुवार र सदस्य अमृतबहादुर सुनुवारले हस्ताक्षर गर्नुभएको थियो ।

क्यान्सर पीडित स्मृतिलाई सहयोग हस्तान्तरण

आज खुट्टाको क्यान्सरले पीडित स्मृति सुनुवारलाई कोइँच कुम्सो खिँ र सुनुवार सेवा समाज (सुसेस) कुवेतले आज सुनुवार सेवा समाज भवन कोटेश्वरमा रु.२ लाख २८ हजार ५ सय ८५ आर्थिक सहयोग गरेको छ । अनलाइनमा गीत संगीतमा सक्रिया स्वदेश तथा विदेशमा रहेका कोइँच युवायुवतीहरुको मनोरञ्जनात्मक अनलाइनमा आधारित साङ्गीतिक संस्था कोइँच कुम्सो खिँ र सुसेस कुवेतले क्यान्सरबाट पीडित स्मृति सुनुवारको खुट्टा अपरेशनको लागि रु. ८ लाख रकम चाहिने कुरा सार्वजानिक भएपछि कुम्सो खिँमा आवद्ध् देशविदेशमा रहेका सुनुवारहरुबाट स्मृति सुनुवार वचाउ अभियन चालिएको थियो ।
कोइँच कुम्सो खिँबाट संकलित सहयोग रकम सुनुवार सेवा समाजका अध्यक्ष रणवीर सुनुवारको समुपस्थितिमा माननीय यज्ञराज सुनुवारले आफ्नो तर्फबाट रु. ५ हजार समेत थपेर पीडित स्मृतिका बुबा पूर्णबहादुर सुनुवारलाई हस्तान्तरण गर्नुभएको थियो । सहयोग हस्तान्तरण कार्यक्रमको शुरुआतमा रकम संकलनका सम्बन्धमा कोइँच कुम्सो खिँका अध्यक्ष तिलक सुनुवारले एकले थुकी सुकी सबैले थुकी नदी भन्ने उखानलाई चरितार्थलाइ पच्छाउँदै देश विदेशमा परिवारको भरणपोषणको लागि दिनरात खटिरहेका कोइँच सामिबुहरुले आफ्नो पसिनाको केही अंश शुभ कार्यमा खटाउने शुव्यवहार तथा महान पुण्यकार्यका परिणाम स्मृति सुनुवारको स्वास्थ्य लाभको लागि अलिकति भए पनि सहयोग गर्न सकिने जिजीविषाले अभियान चाहिएको प्रकाश पार्नु भएको थियो भने कार्यक्रम कुम्सो खिँका साँस्कृतिक सचिव शोभा सुनुवारले सञ्चालन गर्नुभएको थियो ।
सोही कार्यक्रममा सुनुवार ब्लामिच समाजले पनि स्मृति सुनुवारलाई सहयोग रकम हस्तान्तरण गरेको थियो ।
सहयोगदाताहरु :

प्रेम हाँवलि र डिल्ली सुनुवार अनि सुसेस सङ्घिय अध्यक्ष वीच हस्ताक्षरित कोष सञ्चालन ।

सुनुवार सेवा समाज, काठमाण्डौं ।
खुश-लक्ष्मी सुनुवार स्मृति कोष स्थापनाक्रममा संस्थापक प्रेम हाँवलि र डिल्ली सुनुवार अनि सुसेस सङ्घिय अध्यक्ष वीच हस्ताक्षरित कोष सञ्चालन कार्यविधि अादनप्रदान गरेकाछन् । २ लाख ९० हजारको कोष सुनुवार समाज सहकारिमा कोषको रकम जम्मा गरिएको छ । यश कोषबाट प्रत्येक वर्ष कोइँचहरुको पहिचान सम्बन्धि काम गर्ने अनुसन्धाता तथा समाजसेवीलाई लगभग ५० हजारको पुरस्कार प्रदान गरिने छ । खुस-लक्ष्मि अक्षयकोष लगयत सुनुवार सेवा समाजमा तीनवटा कोष स्थापित भएको छ । कञ्चना सुनुवार स्मृतिकोषले प्रत्येक वर्ष अापतविपत परेको १ जना सुनुवारलाई रु २० हजार सहयोग गरिँदै आइएको छ । मानबहादुर-विष्नुमाया सुनुवार स्मृति शैक्षिक कोषले प्रत्येक वर्ष कोइँच सम्बन्धि स्नातकोत्तर शोधकर्ता विद्यार्थीलाई रु १६ हजार विद्वात्तवृत्ति, तीन जना स्नातक अध्ययनरत विद्यार्थीहरुलाई जनाहि रु १५०००को छात्रवृत्ति र कोइँच गाउँको १ स्कुललाई रु १० हजार बराबरको शैक्षिक सामाग्री वितरण गरिँदै अाइएको छ ।
अन्य कोइँचबन्धुहरूलाई पनि स्मृति कोष स्थापना गर्न हामी विनम्र अनुरोध गर्दछौं ।

शिब मुखियाको गुरुभेटि “नाअ्सो”

काःतिच
“इ नाअ्सोआ खिँमि ओदेँशो छ । खिँमि खेतिपाति पाचिखेम मुरु आ खिँ पिदार पा गाअ्ने । नेनि माइ शाँ, नाप्खे । (यी यस्तै छ नाअ्सोको घरमा । काम गर्नेबेला अरुको घरघर डुलेर खेती पाती नगर्ने अनि घरको भाँडभकारी खाली हुँदैन त ?)” नाअ्सोमि रिसाउँछिन् । “मार पाइने मिनु नाअ्सोनु ग्याँबे पाप्तिलाइ । इ ओदेँशोन मे । समय फाइँसाउ । शासन व्यवस्था फाइँसाउ । साइङा बुदि नाअ्सो भाग पाथी पुअ्चा नु खेताला गेचा प्लोइँतेमे । (के गर्छस् त ? बिहेँ गर्नेबेला नाअ्सोसँग गरिहालिस् । समय फेरियो । शासन व्यवस्था फेरियो । उहिले हाम्रै किपट मुखिया प्रथामा हुँदा जस्तो नाअ्सो पाथी भाग र खेतला दिने चलन छाडि गए ।)” नाअ्सो आफ्नो यथार्थको कारण प्रष्टाउन खोज्छ । “ख्लिनुमि खिँ प्लेश्शो यो दुई वर्ष दुम्ता । मुलसम खिँ सेल्शो माबाअ्बा । दोपा दुम्बा खिँ सेल्चा माल्ता । ओँदे मुरुआ रुमि चिँ माबाअसिवा । (अरु कुरा थाहा छैन । भुइँचालो गएको दुई वर्ष भयो । अझै घर बनाउन सकिएको छैन । जसरी पनि घर बनाउनु रहेछ । सुन्यौ नि अघि .. ।)” नाअ्सोमि आफ्नै बारीमा बनेको सुन्दर घरको सपना देखिरहेकी छिन् । “देँचा दा देँने शाँ । कोइँच नेल्लि कोइँच देलतेल प्लोइँशा गाअ्तेमे । आम मुल्केम यो प्लोइने थुम्तेमे । देँचा नु पाचा चिँ फ्लाःदाचिम्दा बा चोँ । (भन्न त भन्छस् नि । सर सापट खोज्न पनि कोइँचहरु आफ्नो पुख्र्यौली थलो छाडेर बसाइँ सर्दै छन् । संस्कृति पनि दिनानुदिन छाड्दै परिवर्तन गर्दै गए । भन्नु र गर्नुमा फरक छ ।)” नाअ्सो वर्तमान अवस्थामा गाउँमा सरसापट समेत नपाउने र संस्कार संस्कृति धानी राख्ने जिम्मेवारी नाअ्सोको मात्रै भए जस्तो यथार्थ बक्छन् । वरिष्ठ गायक तथा संगीतकार शिव मुखियाको नाअ्सो अ भेनिसिङ हेरिटेज फिलिमको तीन दिने सुटिङ आज समापन भएको छ । १२ जना क्रु मेम्बर सहित कोइँच गाउँ पुगेका मुखियाले १५ मिनेट लामो कोइँच भाषाको नाअ्सो फिलिममा आदिवासी जनजाति कोइँच सुनुवार भाषा, संस्कृति लोप हुँदै जानुको कारण के हो ? भन्ने गुदी कारणको खोजी गरेका छन् । गीत संगीत क्षेत्रमा आफ्नो फरक पहिचान बनाएका शिव मुखिया भन्छन्,‘अव आवाजले मात्रै पुगेन मानिसहरु हेरेर आफ्नो दुःख सुखको अनुभूति गर्न उन्मुख छन् । मैले अरु भाषाका धेरै फिलिमहरु अध्ययनको क्रममा हेरेँ । मैले अरु भाषाको फिलिम हेरेर उनीहरुको सुख दुःखमा सहभागी हुन्छु वा संवेदनशील हुनसक्छु भने किन मेरो मातृभाषा कोइँचको फिलिम हेरेर कोइँचइतर समिक्षक, बुद्धिजिवी र प्राध्यापकहरु मेरो समुदायको सुख दुःखको भागिदार नहुने ? यसैले मैले मेरो कलेजको फाइनल प्रोजेक्ट मेरो पुर्खाले बोल्दै आएको कोइँच मातृभाषामै बनाउने निर्णय गरेँ । मैले जानेको सकेको क्षेत्रबाट नै कोइँच दाजुभाई दिदीबहिनीहरुलाई साथ सहयोग गर्ने हो । यसैले कलेजमा मेरो गुरुहरुलाई कोइँच मातृभाषा र संस्कृति सुनाउन, हेराउन, र पढाउन गुरुभेटीको रुपमा नाअ्सो बनाएको हुँ ।’

आदिबासी जनजाति महासंघ युके दुवारा अन्तरक्रिया

-भावना सुनुवार परिस्कृत
नेपाल आदिबासी जनजाति महासंघ बेलायतको निमन्त्रणामा नेपालबाट बेलायत आइपुगेका नेफिनका संस्थापक तथा माओबादी नेता सुरेश आलेमगर र नेफिनका पुर्व महासचिव तथा त्रिभुवन बि बि का सहप्राध्यापक बालकृष्ण माबुहाङ् संग नेफिन युकेले गत २८ मार्च २०१८ सोमबारको साँझ लन्डन स्थित गोल्डेन सिपमा एक बृहत अन्तरक्रिया गरेको थियो l अध्यक्ष जंग सुनुवारको सभापतित्वमा सम्पन्न उक्त अन्तरक्रियामा सुरेश आले मगरको प्रमुख आतिथ्य र बालकृष्ण माबुहाङ्गको बिशेष आतिथ्य रहेको थियो l नेफिन युकेको आयोजना तथा महिला महासंघ युके र फोनिज युकेको सह आयोजनामा सम्पन्न कार्यक्रमलाइ महिला महासंघकी महासचिव बसुन्धारा याख्खा राइले स्वागत मन्तब्य दिएकी थिइन l “नेपालमा पहिचानको आन्दोलन र प्रबासी आदिबासी जनजाति नेपालीहरुको भूमिका ” बिषयक रहेको अन्तरक्रियामा आदिबासी जनजाति महासंघ युकेका पूर्व अध्यक्ष सिरी लिम्बु ,निवर्तमान अध्यक्ष्य तुल छन्त्याल, पुर्व महासचिव नरेश काम्रंग राइ लगायत बेलायतमा अबस्थित ११ वटा जातीय संघ संस्था तामांग सोसाइटि अफ युके,तमुधि युके ,ह्याल्मो समाज युके ,शेर्पा एशोसिएसन युके,छन्त्याल समाज युके ,दुरा समाज युके ,किरात सुनुवार वेलफेर सोसाइटि युके,मगर संघ युके , किरात राइ योयाक्खा युके , किरात याक्थुम चुम्लुङ्ग युके, किरात याक्खा छुम्मा युकेका अध्यक्ष तथा प्रतिनिधिहरु ,मधेसी संघका अध्यक्ष, त्रिभुवन बि बि प्राध्यपिका सुमाया राइ ,अधिवक्ता चण्डिका राइ , गोर्खा अभियन्ता बरिष्ठ शोधकर्ता डा चन्द्र लक्सम्बा , प्रवासका राजनीतिक पार्टी नेफेसो युके , नेकपा माओवादी केन्द्र ,नेपाली जनसम्पर्क समिति ,प्रबासी नेपाली मंच लगायत बिभिन्न सामाजिक संघ संस्थाका पदाधिकारीहरु, व्यक्ति व्यक्तित्वहरुको सहभागिता रहेको थियो l कार्यक्रममा बिषय बस्तु उपर चर्चा परिचर्चा गरिनुको साथै गोर्खाज पेन्सन बिषयमा डा लक्सम्बाले बिशेष प्रस्तुति दिएका थिए l नेफिन युकेको तर्फबाट अध्यक्ष जंग सुनुवार, किरात याक्खा छुम्माका अध्यक्ष धन रोघु र तमुधि युकेका अध्यक्ष ज्ञाम गुरुङ द्वारा प्रमुख अतिथि र बिशेष अतिथिलाई सम्मान पत्र दुवारा सम्मान गरिएको थियो l सोहि क्रममा महिला महासंघ युकेकी अध्यक्ष बिमला कुमारी राइ र नेफेसो महिला बिभाग युकेकी महिला अध्यक्ष्य छेत्रकला राईबाट पाहुना द्वयमा मायाको चिनो प्रदान गरिएको थियो l अन्तरक्रिया कार्यक्रम महासचीव खुशी लिम्बुले संचालन गरेका थिए l
Subscribe
Archives