February, 2016

now browsing by month

 

के यो संविधान संसारकै सर्वोत्कृष्ट छ ?

साथीहरु आजदेखि हाम्रो फेसबुक लगायत सबै सामाजिक सञ्जालको trend‪#‎ForPeacefulNepal‬ हुनेछ ।
——————————–

कुरा के हो भने जाडोमा माझमा सुत्ने साथीले छेउमा सुत्न मान्दैन । उसलाई छेउमा सुताउन संघर्ष नै गर्नु पर्छ । यो माझमा सुतेका शासक साथीहरु उसै त कोखामा दाह्र भएको भनिन्छ, त्यति सजिलै छेउको बासमा सुत्न राजी हुने कुरै भएन । हामी छेउ लागेकाको कुरा माझमा सुत्न पाम पाम भनेर अनुनय विनय गर्ने बानी परेको हुँदा बच्चा जस्तै डाइला गरिरहेको छाम् ।
जाउँ हिँड पोखरा र कब्बडी कब्बडी एकै दिन रिलीज भो । जाउँ हिँड पोखराका निर्देशकले यति गुणगाण गाए कि कब्बडी कब्बडी काबाडी नै हो । सन्सारको उत्कृष्ट फिल्म जाउँ हिँड पोखरा नै हो । र, जाउँ हिँड पोखरा भनेको फिल्मविज्ञहरुले बनाएको हो । आफ्नो २५ औं फिल्म निर्देशनको अनुभवले जोडदार, उत्कृष्ट प्रस्तुति भन्न भ्याए । आफ्नो फिल्मको त प्रशंसा र व्याख्या प्रचार प्रसार गरे नै कब्बडी कब्बडीलाई नौटंकी गर्नेहरुको फिल्म, त्यसमा नाटक खेल्ने कलाकारलाई लिएर बनाएको फिल्म भन्न पछि परेनन् । हो, यस्तै नेपाली फिल्मी क्षेत्रको खोकी र सस्तो लोकप्रियताको प्रचारशैलीमा प्रधानमन्त्री ओली र तिनका मतियार प्रचण्ड “नेपालको संविधान” लाई संसारकै सर्वोत्कृष्ट भनीरहेका मात्र छैनन्, आफ्ना कार्यकर्ताहरुलाई पढ्न नजानेर राम्रो छैन भनेका हुन् पढ्न सिकाउनुहोस् भन्दै विज्ञापन गर्दै हिडेका छन् । अबका नेपाली जनता उल्लु छैनन् र त्यत्तिको मुर्ख पनि होइनन् कि पार्टीका कुनै कार्यकर्ताले भन्दैमा विश्वास गरिहाल्ने ।
२०४७ सालको संविधानलाई पनि संसारको सर्वोत्कृष्ट संविधान भनेकै हो । अहिलेको तीन बाहुनको सम्झौतामा बनेको संविधानालाई पनि उत्कृष्ट भन्दै आफ्नै पार्टी च्यानालबाट स्थानीयस्तरसम्म ह्विप जारी गरी जबर्जस्ती मान्छे थुपारेर खोक्ने प्रयास गरिएको छ । संसारको सर्वोत्कृष्ट भनेको २०४७ सालको संविधानले पाँच बर्षमा जनयुद्ध निम्तायो । अहिले त संविधान जारी नहुँदै अघोषित युद्धको जग हालेको छ । खसबाहुनले गरेको आन्दोलन मात्र आन्दोलन, आदिवासी जनजाति, मधेसीहरुले गरेको आन्दोलन नदेख्ने काठमाडौंले दश वर्षे जनयुद्धभन्दा खतरा दिनलाई निम्तो दिएको हो कि भन्ने आभाष मिल्छ । यसैले सचेत नेपाली नागरिकहरु सबै सचेत हौं । जागौं । त्यस्तो अवस्था आउन नदिना शासकवर्गलाई आ–आफ्नो क्षेत्रबाट शान्तिपूर्ण दबाब दिऔं ।

Share

नाम्सि फु कोइँच भाषाको गीति एल्बमको रेकर्डिङ शुरु : फिल्म पनि बन्ने

¬कोइँचबु काःतिच ।
१५ फागुन, काठमाडौं ।
२०५२ सालमा देउसी खेलेर जम्मा गरेको रकमबाट सेरेम फु सांगीतिक समूहले पहिलो कोइँच गीति एल्बम रेकर्ड भएको २० वर्ष पछाडि बल्ल चौथो गीति एल्बम “नाम्सि फु” रेकर्ड शुरु भएको छ । अहिले हङकङमा हुनुहुन्छ, सुनुवार सेवा समाजका संस्थापक मोहन सुनुवार । उहाँले ताइबनी एउटा गीति एल्बम ल्याएर मोकुसु, विश्व, प्रेम हाँबालीहरुलाई सुनाएपछि कोइँच भाषाको गीति एल्बम पनि निकाल्ने सल्लाह भयो, तत्कालिन समयका समाकालिन खडोस सुनुवार बताउनु हुन्छ । त्यो ताइबनी गीति एल्बमले जगाएको रहर पछिबाट सेरेम पूm साङ्गीतिक समूह नै जन्म्यो । त्यो समूहले हार्मोनियम, कङ्गो, मादल, गितार जस्ता साङ्गीतिक वाध्यवादन किन्यो । समूहका संयोजक राष्ट्रिय कला निर्देशक पुरस्कार प्राप्त विश्व मुखिया थिए । र गीत लेखन तथा संगीत भर्ने काम चाहिँ प्रेम हाँबली र मोहनकुमार सुनुवारले गर्नुभयो । त्यतिबेलाका चर्चित गायिका सुमन मुखिया समेतको स्वर समेटिएको सेरेम फु पछि अर्को एल्बम निस्कन झण्डैले एक दशक आधा नै लाग्यो ।
उनीहरुको सपना धेरै थियो । फिल्म बनाउने, बनेपाको शान्ति सेना तालिम केन्द्रमा गएर लाहुरे दुम्शा लाइँतिनि गीतको भिडियो बनाउने । गाउँ गएर रेउ यिता रागि सुम्शा गसिमि हुरुरु भिडियो बनाउने । अनेक अनेक । त्यसको वीस वर्षपछाडि लगभग त्यस्तै सपना बुनिदै छ । यस सपनाको साकारको अभियानमा दोमोका दार्शो सेरेम फुका उत्पादक सुनुवार डट ओआरजिका सञ्चालक पाम सुनुवार सुरज, इन्द्रकुमार सुनुवार, मदन सुनुवार लगायत सवि शिवानी सेकुवा घरका प्रोप्राइटर श्याम सुनुवार (रिल्मा) जुट्नु भएको छ ।
आज दोमोका दार्शो सेरेम फुका गायक महेश क्याब सुनुवार र बबिता सुनुवारले बोइमात नाम्सिफु मुल चिँ दोहरी र बबिताले जुजिल चुइँचिमि सलाक गीत रेकर्ड गरेका छन् ।
“हाम्रो यो नाम्सि फु परियोजना भाषा संस्कृति बचाउनका लागि हो । यो कुनै आम्दानी गर्नको लागि हो । धेरै मानिसहरु कामभन्दा कुरा गर्छन् तर हामी काममा विश्वास गर्छौं । हामीले केही वर्ष दोमोका दार्शो सेरेम फु पनि भाषा संस्कृतिको संरक्षणको लागि नै एल्बम निकालेका थियौं । यस कार्यमा हाम्रा देश विदेशमा रहेको साथीहरुले सम्झिनु नै हुने छ भन्ने लागेको छ ।” अभियानका संयोजक पाम सुनुवार कोइँच भाषाको गीति एल्बम निकाल्नुको उद्देश्य बताउनु हुन्छ । Read More

Share

कञ्चना स्मृति कोष सहयोग वितरण

समीर मुखिया सुनुवार

kanchana
काठमाडौं, १० फागुन । कञ्चना सुनुवार स्मृति कोषले आगलागी पिडीति रामकुमार मुखियालाई रु. ११९४३।– सहयोग प्रदान गरिएको छ । सुनुवार सेवा समाजको संरक्षकत्वमा २०७१ फागुन १० गते स्थापना गरिएको कञ्चना सुनुवार स्मृति कोषले उक्त सहयोग रकम प्रदान गरेको हो ।
कञ्चना सुनुवारको स्मृतिमा स्थापित संस्थाले प्रत्येक वर्ष सुनुवार समुदयबाट आपतविपतमा परेका अहासय, अपाङ्ग तथा शिक्षा क्षेत्रमा आर्थिक रुपमा कमजोर भएको १ जनालाई प्रदान गर्ने लक्ष्य अनुरुप सो सहयोग रकम प्रदान गरिएको हो ।
कार्यक्रममा कञ्चना सुनुवार स्मृति कोषका संरक्षक सदस्यको तर्फबाट सुरेन्द्र सुनुवारले कञ्चना सुनुवार स्मृतिमा स्थापित कोषका तथा कञ्चना सुनुवारबारे गरेका थिए । कार्यक्रमका सभाध्यक्ष सुनुवार सेवा समाजका केन्द्रीय अध्यक्ष मनप्रसाद सुनुवारले सुनुवारहरुले आफ्नो आफन्तको नाममा विभिन्न संघसंस्थालाई धेरै दान गरे पनि आफ्नो जातीय संस्थाबाट दान गर्ने प्रचलन नभएको बताउँदै संस्थामा पहिलोपटक कञ्चना सुनुवार स्मृति कोष स्थापना भएको कुरा बताए ।
कञ्चना सुनुवारको २० वर्षको उमेरमा मस्तिष्कसम्बन्धी उपचार लापरवाहीका क्रममा मृत्यु भएको थियो । आफन्तहरुबाट कञ्चना सुनुवारको स्मृतिका सो कोष स्थापना गरेको हो ।

Share

५४ मातृभाषी कविहरुले आ-आफ्नो मातृभाषामा कविता सुनाए : सुनुवारको तर्फबाट चेरेहाम्सो क्याब

-सिमोस कोइँच सुनुवार

२१ फेब्रुअरी २०१६, Kathmandu । बङ्गलादेशकि एक महिलाले आफ्नो मातृभाषाको अधिकारका निमित्त लडदालडदै सहादत प्राप्त गरिन । त्यसै दिनको सम्झना र संमान स्वरुप २१ फेब्रुअरीका दिन अन्तर्राष्ट्रिय मातृभाषा दिवस संसार भर मनाउने प्रचलन रहन गयो । तर नेपालमा भने निकै ढिलो गरि यसको थालनी भयो । २१ फेब्रुअरी २०१६ मा नेपाल प्रज्ञाप्रतिष्ठान समितिले अन्तर्राष्ट्रिय मातृभाषा दिवस मनाउँदै गर्दा जम्मा पाँच बर्ष मात्रै पूरा गर्‍यो । अनेक विविधताले भरिपुर्ण देश नेपाल भाषिक तथा सांस्कृतिक रुपमा पनि निकै नै अगाडी रहेको छ । ‘अन्तर्राष्ट्रिय मातृभाषा दिवस-२०१६’ को अवसर पारेर ५४ मातृभाषी कविहरुले आ-आफ्नो मातृभाषामा कविता सुनाएर कार्यक्रमलाई उर्जामय तुल्याउनु भयो । ११ जातिका समुदायहरुले आ-आफ्नो जातिगत भेषभुषा, नाचगान, बाजागाजा सहित प्रज्ञा भवन कमलादी बाट घण्टाघर, प्रदर्शनीमार्ग, पुतलीसडक, बागबजार हुँदै एक चक्कर झाँकी सहितको र्‍याली पनि यसै अवसरमा सम्पन्न गर्‍यो । आजको कार्यक्रममा सुनुवारको तर्फबाट प्रतिनिधित्व गर्दै चेरेहाम्सो क्याब ज्युले कविता सुनाउनु भयो भने तपसिल बमोजिमका १६ जना सुनुवार बन्धुहरुले झाँकीमा भेषभुषा, ढोलझ्याम्टा सहित सहभागीता जनाउनुभयो । १)श्री देबिका सुनुवार, २)श्री प्रबिना सुनुवार, ३)श्री फत्त माया सुनुवार, ४)श्री मनिषा सुनुवार, ५)श्री लाल बहादुर सुनुवार, ६)श्री जीवन रवाच सुनुवार ७)श्री लेख ब.सुनुवार किरात ८)श्री कञ्चन सुनुवार ९)श्री मिरा सुनुवार १०)श्री बिणु सुनुवार ११)श्री केर सुनुवार १२)श्री बबिता सुनुवार १३)श्री ललित सुनुवार १४)श्री इँगिहोपो कोइँच सुनुवार १५)श्री जीवन सुनुवार किरात १६)श्री सिमोस कोइँच सुनुवार । आजको यस कार्यक्रममा अप्रत्यक्ष रुपमा सहभागी जनाउनुहुने शोभा सुनुवार दिदिलाई पनि मुरि मुरि धन्यवाद ब्यक्त गर्न चाहन्छु ।

Share

इमान्दार यात्रुको कारण भेटियो बस : मृतकको भोलि दाहसंस्कार

–कोइँचबु काःतिच ।
धुलिखेल, ८ फागुन । राजन सुवेदी बेहोसीमै बसले ठक्कर दिएपछि सडकमुनि घारीबाट निस्केर हारगुहार गरी विनोद सुनुवारलाई फोन गरिदिन अनुरोध गर्न भ्याए । रक्ताम्मे सुवेदीलाई यात्रु र ड्राइभरले गाडीमा राखेर अस्पताल लैजाँदै गर्दा मेरो साथी कहाँ छ भन्दै विनोद सुनुवारलाई फोन गरिदिन गोजीबाट मोबाइल झिक्दाझिक्दै उनी बेहोस् भए । त्यसपछि के भयो उनलाई केही थाहा भएन ।
हिजो करिव ३ बजे धुलिखेलनजिकै जङ्गलमा मोटरसाइकललाई ठक्कर दिएर भागेको बसको हुलिया बसका यात्रु, ड्राइभर र खलाँसीबाहेक कसैलाई थाहा थिएन । यस्तै अन्यौलमा प्रहरीले नवराज सुनुवारलाई घटनास्थलबाट धुलिखेल अस्पताल ल्याए पनि उनको प्राणपखेरु उडिसकेको थियो । राजन सुवेदीको होस् आए पनि सेतो गाडी देखेको बाहेक अन्य हुलिया बताउन सकिरहेका थिएनन् । संयोगवश इमान्दार एक जोडी यात्रुका कारण ठक्कर दिइ भाग्ने बस चालक र खलाँसीलाई प्रहरीले हिरासतमा लिन सफल भए तापनि कारवाही अगाडि बढाउन मुस्किल भएको थियो ।

कसरी ठक्कर दियो बसले मोटरसाइकललाई ?
रामेछाप फुलासीबाट काठमाडौं आउँदै गरेको बस नवराज सुनुवारले हाँकेको मोटरसाइकल पछाडि आइरहेको थियो । काभ्रे भञ्ज्याङबाट धुलिखेलतिर आउँदै गर्दा धुलिखेल नजिकै जङ्गलको घुम्तीमा भकुन्डेबेँसीतिर जाँदै गरेको बसलाई साइड दिँदै मोटरसाइकललाई उछिन्न खोज्यो । बसले च्यापेको हुँदा मोटरसाइकल रोड छाडेर ग्राबेलमा गुड्न पुग्यो । करिबकरिब यु टर्न जस्तो घुम्ती भएको हुँदा बस घुम्दा नवराजले हाँकेको मोटरसाइकलको ह्याण्डीललाई ठक्कर दियो । यसरी ठक्कर दिँदा मोटरसाइकल घुम्न पुग्यो र पछाडिको ब्रेक लाइटको भागलाई धक्क दियो र मोटरसाइकल चालक नवराज र सहयात्री राजन उछिट्टिएर नजिकैको रुखमा ठोक्किएर सडकमुनि झाडीमा पछारिन पुगे । Read More

Share

बसले ठक्कर दिँदा घटनास्थलमै नवराज सुनुवारको मृत्यु : अभैm गाडी पत्ता लागेन ।

atiram–कोइँच बु काःतिच
८ फागुन, काठमाडौं । काठमाडौं आउँदै गर्दा धुलिखेल नजिर्क जंगलमा गाडीले ठक्कर दिँदा मोटरसाइकल चालक नवराज सुनुवारको घटनास्थलमै मृत्यु भएको छ । हिजो दिउँसो करिब ३ बजे रामेछाप जिल्ला, भुजि गा. वि. स. वडा नं. तीन ठिन्केपु नि. मा. वि. पिपलडाँडाका शिक्षकद्वय नवराज सुनुवार र रामेछाप कठजोरका राजन सुवेदी काम विशेषले काठमाडौं आउँदै गर्दा धुलीखेल नजिकै जंगलको घुम्तीमा सेतो रङ्गको बसले ठक्कर दिँदा नवराज सुनुवारको मृत्यु भएको हो । अहिलेसम्म सो सेतो बसलाई प्रहरीले समातेको छैन । राजन सुवेदीको काठमाडौंमा काम भएको हुँदा साथीभाई काठमाडौं घुम्ने पनि काम पनि गर्ने भनेर आउँदा यस्तो अप्रिय घटना घट्न पुगेको हो ।
एकान्त जङ्गलमा घटेको घटना भएकोले प्रत्यक्षदर्शी हालसम्म भेटिएको छैन । मोटरसाइकलमा आएका सहयात्री राजन सुवेदीको होस खुलेपछि नवराजको बहिनी शोभालाई बताए अनुसार उनीहरु भकुण्डेबेँसीमा कार र मोटरसाइकल ठक्कर खाएर दुर्घटना भएको देखेपछि डराएर विस्तारै जाने भन्दै चिया खाजा खाएर प्रति घण्टा १५, २० को गतिमा आएका थिए । धुलिखेल आइपुग्न लाग्दा जङ्गलको घुमाउरो बाटोमा अति तिव्र गतिमा आएको सेतो रङ्गको बसले मोटरसाइकलको अगाडिको भागमा ठक्कर दिएपछि उनीहरु सडकमुनि खस्न पुगे । त्यसपछि उठेर सडकमा आइ हारगुहार मागेपछि गाडिमा राखिएको र गाडिमा राख्दा मेरो साथी छ, खोइ भनेर सोधेको र विनोद सुनुवार लगाएत अन्यको नाम मोबाइलमा हेरेर खबर गरिदिन भनेकोसम्म याद भएको त्यसपछि थाहा नभएको जानकारी दिएका छन् । प्रहरीले एउटा बसलाई समातेको तर त्यो बस हो कि होइन एकिन नभएको पनि जानकारी प्राप्त भएको छ । Read More

Share

हार्दिक समावेदना ।

केर लाँ मालाचा, लाल लाँ लाचा
लाल लाँ मालाचा, बुइश्शि लाँ लाचा ।

atiramजसलाई यो समाजको लागि धेरै आशा थियो, उसैले यो सन्सार छाडेर गएपछि सपनाहरु अधुरै विचल्लीमा परेका छन् । बढो दुःखद घटनालाई मनले नमानी नमानी पनि स्वीकार गर्नु पर्ने अनुभूती शुन्य यो पीडा । किन, हामी जुन व्यक्ति प्रति धेरै अपेक्षा गरीरहेका छौं उही व्यक्ति हामीसँग टाढा हुन्छ ? शायद … शायद …
सुनुवार सेवा समाज, केन्द्रीय समितिका सदस्य शोभा सुनुवारका दाजु, जुझारु, संस्कृतिप्रेमी, समाजसेवी साथै शिक्षक हाम्रा अनन्य, सहहृदयी मित्र रामेछाप भूजी वडा नं. ३ ठिन्केप पिपलडाँडाका नवराज सुनुवार (अतिराम) को हिजो काठमाडौं आउनेक्रममा काभ्रेमा मोटरसाइकल दुर्घटनामा परी असमायिक निधन भएको हुँदा उहाँको आत्मको चीर शान्तिको कामनासहित इँगिबुलबुल सायबुलबुल आत्मले बुइश्शि लाँ समातेर इँगिसोरी आनिलासिरि पार्मेसोरीमा समाहित होस् भनि आदारनाम्दार टक्राउँदै यस दुःखद घडीमा शोक सन्तप्त परिवारलाई धैर्यधारण गर्ने शक्ति प्राप्त होस् भनि हार्दिक समावेदना (उइत्थिखाइलि) प्रकट गर्दछौं ।

मनप्रसाद सुनुवार, रणवीर सुनुवार, समीर मुखिया सुनुवार, उत्तमकुमार सुनुवार लगायत

सुनुवार सेवा समाज केन्द्रीय समिति, चुप्लु समाज, सुनुवार डट ओआरजि सम्पूर्ण परिवार ।

Share