January, 2015

now browsing by month

 

कोइन्च सुनुवार बिधिबाट बेलायतमा सम्पन्न भयो मृत्यु संस्कार !

uk२४ जनुवरी(२०१५ ) सनिबार रेडिङ्ग स्थित मेरी चर्च बेलायतमा, रामेछाप साप्ऱा दुरा गाउँ निवासी स्व किर्ति बहादुर सुनुवारको अन्तिम दाहसंस्कार किरात धर्म सुनुवार संस्कार अनुसार सम्पन्न भएको छ ! बिगत २००९ साल देखि आबासिय भिसामा बेलायतको रेदिङ्गमा बस्दै आउनु भएका ८० बर्षीय किर्ति बहादुरको गत ०३ )जनुवरीमा उपचारको क्रममा देहावसान हुन गएको थियो ! उहा कोइन्च संस्कृतिलाइ असाध्य माया गर्ने अग्रज हुनुहुन्थ्यो ! बिगतमा श्यांदर पिदार हुदा पुजारीको समेत भूमिका निर्बाह गर्दै ,समाजलाई आफ्नो जातिय संस्कृति प्रति मार्ग निर्देशन गर्नु भएको थियो ! उहा जस्तो अग्रजको अकल्पनीय निधनले समाज र सन्थालाइ ठूलो क्षति पुगेको र किरात सुनुवार समाज बेलायत यो दुखद घटनाले स्तब्ध रहेको कुरा संस्थाका अध्यक्ष मोतिराज सुनुवारले समबेदना प्रकट गर्ने क्रममा भने !
पोइब लोक बहादुर सुनुवारले आफ्नै सुनुवार विधिबाट पार्थिक शरीरको अन्त्यषठी सम्पन्न गरे पश्चात , मृतकका छोरी ज्वाई खडानन्द सुनुवारले उहाको जीवनी बाचन गरेर सुनाउदै सपरिवारको तर्फाबाट हार्दिक श्रदान्जी अर्पण गर्दै ,उपस्थित सम्पूर्णलाइ हार्दिक धन्यबाद ज्ञापन गरेका थिए ! उक्त दाहसंस्कार कार्यक्रममा कोइन्च लगायत रेदिङ्गबासि विभिन्न जातिय संघ संस्था र नेपाली समाजको पनि,दिबंगत आत्मालाई श्रद्दान्जली दिनको निम्ति उल्लेखनीय उपस्थिति रहेको थियो ! कि सु से स बेलायतको तर्फाबात हार्दिक श्रदान्जली स्वरुप पुष्पा गुच्छा अधक्ष मोतिराज ,,महासचिब भक्तमान सुनुवार ,उपाध्क्ष यादब सुनुवार लगायत अन्य पदाधिकारीहरुले संयुक्त रुपमा अर्पण गरेका थिए !
सुनुवार विधिबाट मृत्यु संस्कार सम्पन्न गरेको बेलायतमा पहिलो पटक थियो र धेरै कोइन्चहरु अब बिस्तारै आफ्नो संस्कारको खोज तलासी गरिनु पर्छ भन्ने कुरा प्रति चासो देखाएका थिए ! “बाबाको इक्षा नै आफ्नो जातिय विधिबाटआफ्नो मृत्यु संस्कार होस् भन्ने थियो र आमाको पनि धरानमा सुनुवार विधिबाट अन्तिम संस्कार भएको हो ” स्व किर्ति ब सुनुवारकी एकलौटी छोरी बिष्णु सुनुवारले बताईन !नेपालमा दुइ जना छोराहरु रहेको र उनीहरुले पनि कोइञ्च विधिबाट नै आफ्नो बुवाको अन्तिम संस्कार १० दीन सम्म गर्ने जानकारी पनि विष्णुले गरायिन !सल्लाहकार जनक सुनुवार र संस्थाको सहयोगमा सम्पन्न मृत्यु संस्कार सोक कार्यक्रमलाई सुर्यराम सुनुवारले संचालन गरेका थिए !गत २९ डिसेम्बर (२०१४) मा संस्थाका बरिष्ठ सल्लाहकार खबिन्द्र सुनुवारकी धर्म पत्नी पम्फा सुनुवारको ४८ बर्षको अल्पायुमा असमायिक निधनबात बज्रपातमा गुज्री रहेको अबस्था भित्रै ,बेलायतबासी सिनुवारहरुले अर्का एक आफ्नो प्रियजन गुमाउन पुगेका छन् ! एक हप्ताको अन्तराल भित्रमा दुइ जना समाजका प्रमुख व्यक्तित्वहरु गुमाउदा अपुरणीय क्षतिले सबै कोइंचको मन भक्कानिएको छ ! तै पनि मन थामेर धर्य धारण गर्नु परेकै छ ,जीवन र मृत्यु प्रकृतिको शाश्वत सत्यलाई स्वीकार गर्नु परेकै छ ! अदृश्य जगतको यात्रामा जाने दिबंगत आत्माहरुलाई हार्दिक श्रद्दान्जली !!!

Share

मिस सुनुवार २०१५ को उपाधि सिन्धुली बस्तिपुर का प्रिया सुनुवार चुमेकि छिन् ।

miss_sunuwar९ माघ, काठमाण्डौ ।  ड्रिम फ्याक्ट्री इन्टरटेन्टमेन्ट ग्रुपले आयोजना गरेको प्रतियोगिता नेपाल प्रज्ञा प्रतिष्ठान कमलादीमा सम्पन्न भएको थियो । प्रतियोगिता मा फस्ट रनरअप रामेछाप सैपुका अन्जना सुनुवार र सेकेन्ड रनरअप मन्जिला सुनुवार हुनु भएको छ । त्यसैगरी मिस कन्फिडेन्ट सृष्टी सुनुवार, मिस पोज अन्जना सुनुवार, मिस फोटो जेनिक मुना सुुनुवार, मिुस पब्लिक च्योइज तारा सुनुवार, मिस ट्यालेन्ट देबिका सुनुवार भएका छन । मिस सुनुवार सँगै मिस लिटल सुनुवारको पनी छनौट गरिएको थियो । मिस लिटल सुनुवार को उपाधी दिब्यता सुनुवार पाएकी छिन्  भने फस्ट रनरअप सइच्क्षा सुनुवार र सेकेन्ड रनरअप अनुसा सुनुवार भएकी छिन । प्रतियोगिताको निर्णायक टिममा आदिबासी जनजाती चलचित्र महासंका अध्यक्ष अमृत बहादुर सुनुवार, गायक शिब मुखिया, चलचित्र निर्देशक आसिष सुनुवार, सुनुवार कलाकार प्रशान्त सुनुवार, संञ्चारकर्मी भिषण राई, समाजसेवी रमिता लिम्बु र मिस सुनुवार का प्रबन्ध निर्देशक दशमी सुनुवार थिए । सुनुवार समुदायको उल्लेख्य उपस्थिति रहेको  कार्यक्रम सुनुवार सेवा समाज केन्द्रिय समितिका अध्यक्ष मन प्रसाद सुनुवारको प्रमुख आतित्थतमा सम्पन्न भएको थियो ।

Share

कोइँच (सुनुवार)हरुले नयाँ बर्ष तथा समिबुँ पिदार मनाए ।

yaleसुनुवार डट ओआरजी
काठमाण्डौं, माघ १ । किराँति कोइँच (सुनुवार)हरुको नयाँ बर्ष तथा समिबुँ पिदार अर्थात चेलीबेटिलाई पुजा गर्ने दिनको रुपमा मनाईन्छ । किराँती कोइँच (सुनुवार)को नक येले थोचे ५०७५ तथा समिबुँ पिदार सुनुवार सेवा समाज केन्द्रिय भवन कोटेश्वरमा आफ्नै संस्कृती अनुसार पिदार गर्नुका साथै , वन तरुल खाएर समि(चेली)हरुलाई टीका लगाउनुका साथै विभिन्न उपस्थित अतिथिहरुले संस्कार संस्कृतिको बिशेषता र संरक्षणको आवश्यकताको बारेमा बोल्नु हुँदै कार्यक्रम सु-सम्पन्न भएको छ । कार्यक्रममा विभिन्न सस्कृतीक प्रस्तुती साथै  बछ्छे बाजामा रमाउदै नाचेका थिए ।

Share

वल्लो किरात माग गर्दै वल्लो किराती

wallokiratजीवन सुनुवार, काठमाडौ ।
नेपाल आदिबासी जनजाती महासंघ संघीय परिषद सचिबालयको आव्हानमा पहिचान सहितको संघिय संबिधान समयमै जारी गराउनको लागि आज मिति २०७१-०९-२५ गतेका दिन बृहत धर्ना कार्यक्रममा वल्लो किरात संघीय राज्य परिषदको तर्फबाट सहभागी सुनुवार महानुभाब ज्युहरुको नामावली-
१) श्री मन प्रसाद सुनुवार -अध्यक्ष-वल्लो किरात संघीय राज्य परिषद
२) श्री मानबीर सुनुवार
३) श्री लेख बहादुर सुनुवार
४) श्री सुनिता सुनुवार
५) श्री प्रमिशा सुनुवार
६) श्री सजा सुनुवार
७) श्री सिर्जना सुनुवार
८) श्री सुर्य प्रकाश सुनुवार
९) श्री तारादेवी सुनुवार
१०) श्री अरुण सुनुवार
११) श्री शोभा सुनुवार
१२) श्री राज सुनुवार
१३) श्री सुजन सुनुवार
१४) श्री नैना कुमारी सुनुवार Read More

Share

गाम्रा स्मृति दन्त शिविर सम्पन्न

kaatओखलढुंगा, खिची काति २४, पुस । समाजसेवी स्व. हर्कबहादुर सुनुवार (गाम्रा)को सम्झनामा सञ्चालित दुई दिने दन्त शिविर आज सम्पन्न भएको छ । शिविरमा उपस्थित दाँतका बिरामीहरुका अनुसार स्थानीय रेडियोबाट प्राप्त सूचनाका आधारमा भुसिंगा, रावादोलु, खिजीचण्डेश्वरी, पि्रतीबाट आएको जानकारी आयोजक समितिले दिएका थिए । सो शिविरबाट २०० भन्दा बढी रोगीले दाँतसम्बन्धी उपचार तथा परामर्श पाएका थिए । शिविर समापन पश्चात बसेको समीक्षा बैठकमा गाम्रा मार्ग, गाम्रा स्मृति भवन र छात्रवृत्ति कोषको पनि प्रस्ताव प्रस्तुत गरिएको छ । स्थानीय समाजसेवी तथा समाजिक कार्यकर्ताको समुपस्थितिमा भएको समीक्षात्मक कार्यक्रमले २०२६ मा स्थापित श्री कुण्डली मा. वि.को पुरानो भवनलाई जस्ताको तस्तै पुरानो संरचनामा नयाँ प्रविधि अनुसार नै स्थापना गरिनुपर्ने विषयमा सबैले समर्थन जनाएका थिए । विभिन्न संघसंस्थाले आयोजना गरेको कार्यक्रममा मात्र आफू उपस्थित भएको एउटै परिवारले मात्र आयोजना गरिएको यस्तो कार्यक्रममा पहिलो पटक सहभागी भएको जानकारी स्वास्थ्य तथा विकास समाज, ललितपुरका संयोजक अजय बस्नेतले बताए । शिविर उद्घाटन क्रममा स्थानीय कलाकारहरुले मनोरञ्जनात्मक नृत्य प्रस्तुत गरेर दिएका थिए । सोही अवसरमा खिजीकातीका ज्येष्ठ नागरिक १०३ वर्षका मंगले तामाङ लगायत स्व. हर्कबहादुर काःतिच सुनुवार (गाम्रा)का सहयोगीहरुलाई सम्मान गरिएको थियो । शिविरमा खिजीकातीका विभिन्न व्यक्तित्वहरुले गाम्रा काःतिचको सम्झनामा विभिन्न कार्यक्रम गर्नुपर्ने सल्लाह सुझाव दिएका थिए । शिविरले स्थानीय बासिन्दा लगायत आसपासका छिमेकी गाउँहरुका दाँतका रोगीहरुले उपचार तथा परामर्श लिने कुरामा विश्वस्त भएको र प्रमुख अतिथि सुनुवार सेवा समाज केन्द्रीय समितिका प्रथम उपाध्यक्ष रणवीर सुनुवारले बताए । उक्त उद्घाटन कार्यक्रम गाम्राका जेठी सुपुत्री विष्णुमाया सुनुवारको सभापतित्वमा भएको थियो । दन्त शिविरको प्रत्यक्ष प्रसारण सार्वजानिक हितका लागि रेडियो लिखु ९१.३ मेघाहर्जले सहकार्य गरेको थियो ।

Share

सुचना । सुचना ।। सुचना ।।।

यस सुनुवार विद्यार्थी समाज केन्द्रिय समितिको चौथो कार्य समितिको पदावधि यही मिति २०७१ माघ १४ गते समापन हुने भएकोले समयमै पाँचौ राष्ट्रिय महाधिवेशन मार्फत नयाँ कार्य समिति चयन गरि जिम्मेवारी हस्तान्तरण गर्नु पर्ने भएको हुँदा¸ यस सुनुवार विद्यार्थी समाज केन्द्रिय समितिको बैठकले गरेको निर्णय अनुसार¸ सुनुवार विद्यार्थी समाजका का बा अध्यक्ष श्री मान ब सुनुवारको सयोजकत्व र सुनुवार सेवा समाज केन्द्रिय समितिका अध्यक्ष श्री मनप्रसाद सुनुवारको प्रमुख आतिथ्यतामा ’सम्पुर्ण सुनुवार विद्यार्थीहरुको शैक्षिक जागरणका लागि हाम्रो अभियान । सामाजिक भाषा-सस्कृति¸ आर्थिक र राजनीतिक विकासका लागि पाँचौ राष्ट्रिय महाधिवेशन ।।´ भन्ने मुल नाराको साथ तपशिलको मिति¸ स्थान र समयमा सब्य तथा भब्य रुपले पाँचौ राष्ट्रिय महाधिवेशन गर्ने निर्णय सर्वसहमतिबाट पारित गरिएको व्यहोरा जानकारी गराउँदछौ¨ ।

साथै यस पाँचौ राष्ट्रिय महाधिवेशन कार्यक्रम सफलता पुर्वक सम्पन्न गर्नका लागि सम्पूर्ण सुनुवार विद्यार्थी¸ मातृ सस्था¸ जिल्ला कार्य समिति¸ विभिन्न विद्यार्थी सङ्गठन¸ राजनैतिक दल¸ पत्रकार¸ व्यवसायी¸ व्यापारी¸ कर्मचारी¸ अधिकारकर्मी¸ कानुनव्यवसायी¸ समाजसेवी¸ मजदुर¸ बुद्धिजिवी लगायत सम्पूर्ण व्यक्तिहरुलाई आ-आफ्नो तहबाट सक्दो सहयोग गरिदिनुहुन हार्दिक अनुरोध गर्दछौ ।

तपशिल
मिति: २०७१ माघ ३ गते शनिबार
स्थान: सु से स भवन कोटेश्वर¸ काठमाण्डौ¨ ।
समय: विहान ठिक ९:३० बजे ।

सयोजक
मान ब सुनुवार
आयोजक समिति
पाँचौ राष्ट्रिय महाधिवेशन
काठमाण्डौ¸ नेपाल ।

सम्पर्कका लागि
सयोजक: मान ब सुनुवार (९८४१०१०९८६)
सह-सयोजक: छविलाल सुनुवार (९८५१००८५२३)
सचिब: बीर ब सुनुवार (९८४४१४७३७१)
कोषाध्यक्ष: सागर सुनुवार (९८४९३८६१०७)

Share

दन्त शिविर सम्पन्न

daat1 ओखलढुंगा २१, पुस । क्युाइतबु कल्याण कोषद्वारा सञ्चालन गरिएको दुई दिने दन्त शिविर आज सम्पन्न भएको छ । ओखलढुंगा र रामेछाप जिल्लाका विभिन्न गाविसबाट आएका करिव ३०० जना रोगीले दाातसम्बन्धी उपचार तथा परामर्श लिएका छन् । स्थानीय रेडियोबाट सुनेको सूचनाको आधारमा निकै टाढाबाट आएको कुरा सैपू, दुरागाउा, गाम्नाङटार र बेतेनीबाट आउने दाातका रोगहरुले बताए । समापान कार्यक्रममा बोल्दै श्री चण्डेश्वरी उच्च माविका प्राचार्य बेदबहादुर रोकाले क्युाइतबु कल्याण कोष क्युाइतिचहरुको मात्र नभएर सम्पूर्ण जातजातिको भएको कुरा बताए । त्यसैगरी शिविरस्थल श्री चुली निमाविका प्रधानाध्यापक बेदबहादुर महतराले आफ्नो विद्यालयमा सञ्चालन भएको शिविरले दाातका रोगीहरुलाई निकै राहत पुगेकोमा हर्ष व्यक्त गरे । त्यस्तै क्युाइतबु कल्याण कोषका सल्लाहकार गंगाबहादुर सुनुवारले यस्तो कार्यक्रम धेरै अगाडिदेखि गर्ने योजना सुनाए पनि यसपटक मात्र रगनीमा आएको कुरा बताउादै अबका दिनमा सुनुवार सेवा समाजसागको सहकार्यमा अन्य यस किसिमका उपयोगी कार्यक्रम ल्याउनुपर्ने बताए । यसै क्रममा सो समापन कार्यक्रमका प्रमुख अतिथि सुनुवार सेवा समाजका प्रथम उपाध्यक्ष रणवीर सुनुवारले यस किसिमको कार्यक्रम रगनीमा ल्याउनु निकै सकारात्मक भएको र कोषको मुल उद्देश्य शिक्षा, स्वास्थ्य र संस्कृति भएकोले आउने दिनमा अझ जोड दिएर लाने कुरा बताए । समापन कार्यक्रमका सभाध्यक्ष तथा क्युाइतबु कल्याण कोषका अध्यक्ष प्रकाशकुमार सुनुवारले कोष स्थापनाको उद्देश्यलगायत यो शिविर ल्याउनुपर्नेबारे प्रकाश पार्दै धेरैपछि आफ्नो पुख्र्यौली थलोमा आएर यस्तो खालको सेवामूलक कार्य सञ्चालन गरेको बताए । यो दुईदिने दन्त शिविरका लागि ललितपुरस्थित स्वास्थ्य तथा विकास समाज नेपालले प्राविधिक रुपमा सहयोग गरेको हुनाले यो कार्यक्रम सफल भएको कुरा पनि बताए ।

Share