December, 2013

now browsing by month

 

कोइँच भाषा कक्षाका सहभागीलाई एक जना ग्याँस सिलीण्डर दाताको खाँचो

सुनुवार डट ओआरजी समाचारदाता । कोही छ त्यस्तो सहासी व्यक्ति ? कोइँच लोः भाषा सिकौं कार्यक्रमका सहभागीहरुको सहासलाई सलाम, जसले सही निर्णय गरेको छ ।

यो जाडोको मौसम । विहानै भाषा कक्षामा थुरुरु काम्दै भाषा सिक्नु पर्ने । शरीर तताउनु त परेउ नै । कि त तातो पानी कि त चिया । तर के गर्ने सुनुवार सेवा समाजको भवनमा किचन व्यवस्था छैन । बाहिरबाट चिया माग्यो एक कपको रु. १५ । साह्रै चित्ता दुख्दो कुरा । संसार बदल्नु छ भने पहिला आफुबाटै सुरु गर भन्न भनाइलाई चरितार्थ गर्दै सुनुवार सेवा समाज काठमाडौंका कोषाध्यक्ष शोभा सुनुवार र भाषा कक्षा संयोजक देवराज सुनुवारको पहलमा सुनुवार सेवा समाजकै भवनमा चिया पकाउने व्यवास्था गर्ने कुरा भयो ।

र, सबैले आ आप्mनो तर्पmबाट सहयोग गर्ने कुराको टुँगो लाग्यो ।

जसमा

किचन रेक : लालबहादुर सुनुवार (एल बि) भक्तपुर सिर्जनानगर ।

चुलो तथा केट्ली, ग्याँस पाइप : शोभा सुनुवार, कपन ।

५ केजी चिनी र १ केजी चियापत्ती भाँडो सहित : देवराज सुनुवार ।

फोहर उठाउने डस्वीन : प्रेमकुमार सुनुवार, धपासी ।

दुइ दर्जन कप सेट : गोपाल बहादुर सुनुवार ।

मरिच, सुक्मेल : सागर सुनुवार, भिरपानी, रामेछाप ।

पानी तथा पानी राख्ने भाँडा : एसिड रावाच केर कोइँच ।

झाडु भवन सफा गर्ने : दिपक सुनुवार ।

डाडु पन्यू र चिया छान्ने : दुर्गा सुनुवार तुनिचा (धनुषा) ।

शौचालय सफा गर्ने सर सामान : लेखबहादुर सुनुवार, हाँवा ।

अब ग्याँस सिलीण्डार दान गर्ने व्यक्तिको खोजीमा रहेका छन् विहानी भाषा सिकौं कक्षाको सहभागीहरु । अब एक वटा ग्याँस सिलिण्डर दिने दाता पाए विहानी भाषा कक्षाका साथीहरु अति रमाउने थिए । साथै उनीहरुले अन्य सामुहिक कार्यमा पनि योगदान दिन सक्ने थिए ।

साथै प्रत्येक महिनाको दोश्रो हप्ता सुनुवार सेवा समाजको भवन सरसफाइ गर्ने उनीहरुको दैनान्दीनिमा परेको छ ।  र, सबै कोइँचहरुलाई यस कार्यमा सहकार्य र सहयोग गर्न पनि हार्दिक आव्हान गरिन्छ ।

Share

पहिचान शाहितको साँस्कृतिक जागरण

[youtube]http://www.youtube.com/watch?v=WJlK11OUhPo[/youtube]

सूदूरपूर्वका कोइँचहरु उत्तरआधुनिक प्रविधिसँगै कसरी पहिचान र सँस्कृतिको खोजी गर्दैछन्त । होर्नुहोस्

Share

कतारमा किरातीहरुले उधौली पर्व भब्यताका साथ मनाए

shyanderभानु सुनुवार
२२ डिसेम्बर २०१३ दोहा, कतार
किरातीहरुका महान चाड तथा राष्ट्रिय पर्व चासोक तङ्नाम, साकेला उधौली, फोल शाँदार– किरात येले तङ्बे/दोङ्ग/थोचे–५०७३ तथा बनभोज कार्यक्रम तीन किराती संस्था किरात राई यायोक्खा शाखा कतार, किरात याक्थुङ चुम्लुङ कतार र सुनुवार सेवा समाज कतारद्धारा आयोजित संयुक्त कार्यक्रम २० डिसेम्बर शुक्रवारका दिन कतार स्थित समाल गार्डेनमा भव्यताका साथ सम्पन्न भयो ।
किरात सभ्यताको सरूवात शिकारी पेसाबाट जीवन निर्वाह गर्ने अवस्था देखिनै पूर्खा र प्रकृति पूजाको परंम्परा सुरु भएर खेतीपाती गर्न थालेपछि पनि प्राकृतिक तथा पूर्खा पूजालाई किरातहरुले निरन्तरता दिदै आए । पञ्च महाभूत शक्तिलाई आत्मसात गर्दै आगो पुज्नु, पानी पुज्नु, बायु पुज्नु, भूमि ढोग्नु, आकाश ढोग्नु, जस्ता बोन आचारसंहिता पालना गर्दै प्रकृतिको सम्मान गर्दै आए । अझ खेतीगर्न थाले पश्चात् किरातहरूले उधौली र उभौली गरेर वर्षको २ पटक प्रकृति तथा पूर्खा पुजा गर्ने एक सुनिश्चित परम्पराको थालनी गरे । सुरुमा अन्नबाली लगाउने याममा तथा आफूले लगाएको अन्नबाली पाकेपछि भित्राउँदा, नयाँ अन्न पितृहरूलाई अपर्णगरेर मात्र खाने परम्परा विकास गर्दै गए । यसरी मनाइने चाड किरात समुदायहरुमा गुराँस वा आरु फुलेको याम, जुनबेला चराहरु तथा खोलाका माछाहरु उत्तरतिर लाग्छन्, सो यामलाई बाली लगाउने याम मानेर अन्नबाली सप्रियोस् सहकाल होस् भन्ने कामना गर्दै उभौली र पैयँु फुलेको याममा जुन समय चराहरु र खोलाका माछाहरु दक्षिणतिर लाग्छन, सो यामलाई अन्नबाली भित्राउने याम मानेर नयाँ अन्नबाली प्रकृति र पूर्खालाई चढाएर सुःख समृद्घिको कामना गर्दै उधौली पर्व मनाइन्छ ।
केहि फरक संस्कार भएता पनि किरात समुदायका एउटै संस्कृति छ । तसर्थ सम्पूर्ण किरात समुदायमा एकता हुनुपर्छ भन्ने उद्देश्यले आयोजित संयुक्त कार्यक्रमका सभापतित्व किरात याक्थुङ चुम्लुङका अध्यक्ष लोकेन्द्र तुम्रोक र प्रमुख आतिथी नेपाली राजदुतावास कतारका द्धितीय सचिव हरिहरकान्त पौडेलले गरेका थिए भने बिशेष अतिथिहरुमा नेपाल प्रबासी आदिबासी जनजाति महासंघ कतारका अध्यक्ष बिनेस तामाङ्ग, गैर आवासिय नेपाली संघ अन्तराष्ट्रि समन्वय परिषदका उपाध्यक्ष टि.बी कार्की, गैर आवासिय नेपाली संघ राष्ट्रिय समन्वय परिषद कतारका अध्यक्ष मक्शुद आलम, किरात याक्थुम् चुम्लुङ कतारका प्रमुख सल्लाहकार दिल किरण खजुम, किरात राई यायोक्खा शाखा कतारका प्रमुख सल्लाहकार चन्द्रसेर राई, सुनुवार सेवा समाज कतारका सल्लाहकार भानु सुनुवार रहेका थिए । Read More

Share

हार्दिक श्रद्धाञ्जलि

हार्दिक श्रद्धाञ्जलि

22स्व. पदमबहादुर सुनुवार
सुनुवार विद्यार्थी समाजका अध्यक्ष सुदीप सुनुवारका श्रद्धेय पिता श्री पदमबहादुर सुनुवारको मिति २०७० मंसिर २६ गते असामयिक निधन भएको आज १३औं दिनको पुण्य तिथिमा दिवंगत आत्माको चिरशान्तिको कामना गर्दै सम्पूर्ण सुनुवार विद्यार्थी केन्द्रीय समितिको तर्फबाट भावपूर्ण श्रद्धाञ्जलि अर्पण गर्दछौं ।

सुनुवार विद्यार्थी समाज
केन्द्रीय समिति

Share

उधौली शाँदार पिदार भव्य रुपमा मनाइयो

2222सुनुवार डट ओआरजी
काठमाडौं । किरातहरुको महान चाड उधौली आज ललितपुरको हात्तिवनमा विशेष पूजाआजा गरी मनाए । प्रत्येक वर्षको मंसिर पूर्णिमा तथा बैशाख पूर्णिमा मनाइने चाडमध्ये मंसिरे उधौली सुनुवार, राई, लिम्बू र याक्खले भव्य रुपमा मनाए । विहान सबेरैदेखि ललितपुरको हात्तिवनस्थित माङखिम मन्दिरमा आआफनो मुक्दुम अनुसार पूजा आजा गरी मनाए ।
सुनुवार सेवा समाज ललितपुर जिल्ला समितिको आयोजनामा सुनुवारहरुको मुक्दुम पूजा गरी नखिपोटमा शाँदार सिल नाचियो । प्रकृति पूजक सुनुवारहरुले नयाँ अन्नबाली भित्र्याइ सकेको र लेकका चराचुरुङ्गीहरु बेसी झर्ने बेला भएको संकेत गर्दै उधौली शाँदार पिदारको आयोजना गरेका हुन् ।
उधौलीलाई सुनुवारले शाँदार पिदार, राईले साकेला, साकेन्वा, लिम्बूले चासोक ताङनाम, याक्खाले चोसोवा भनेर मनाउने गर्दछन् । त्यसैगरी किरात समुदायका अन्य थामी, हायु, सुरेल, जिरेल आदि जातिहरुले पनि यो चाड मनाउने गर्दछन् ।
किरात समुदाय रहेको विभिन्न स्थानहरुमा यो चाड भव्य रुपमा मनाइने गरिन्छ । सुनुवारहरुले हङकङ, बेलायत, सिक्किम, भुटान, बर्मा र अमेरिकालगायतका मुलुकहरुमा पनि मनाउने गर्दछन् । शाँदार सिल यही आउँदो पौष ६ गते टुँडिखेलमा आयोजना गरिनेछ ।

Share

पूर्वाञ्चलको लुम्दे इलाममा भव्य रुपमा शाँदार पिदार मनाइँदै

1111सुनुवार डट ओआरजी ।
इलाम । सुनुवार सेवा समाज इलामस्थित लुम्दे गाउँ समिति संयुक्त शाँदार सेवा समितिको आयोजनामा भव्य रुपले उधौली शाँदार पिदार मनाइयो । कार्यक्रममा पूर्वाञ्चलका इलाम, झापा, मोरङ, पाँचथर, ताप्लेजुङलगायत जिल्ला कोइँच सुनुवारहरुले भाग लिएका छन् ।
कार्यक्रम आयोजक समितिका एक सदस्य दीर्घ बहादुर सुनुवारले यो उधौली शाँदार पिदार कार्यक्रम सम्पूर्ण पूर्वका सुनुवारहरुका पहिचानका लागि गरिएको तथा यसमा अझ रौनक थप्न शाँदार सिल प्रतियोगिता राखेको कुरा बताएका छन् । कार्यक्रमस्थल पाँचथर र इलामको सिमानास्थित लुम्दे वडा नं. ९ स्थित आयोजना गरिएको छ । कार्यक्रम पौष २ गतेदेखि ३ गतेसम्म चल्ने कार्यक्रम व्यवस्थापन समितिका एक सदस्यले बताए ।
उक्त कार्यक्रमका प्रमुख अतिथि सुनुवार सेवा समाजका केन्द्रीय अध्यक्ष मनप्रसाद सुनुवारले सम्पूर्ण कोइँच सुनुवारहरुको पहिचान तथा मुख्य चाड शाँदार पिदार भएकोले यसलाई विभिन्न क्षेत्रमा बसेका सुनुवारहरुले आ–आफनो क्षेत्रबाट भव्य रुपमा मनाउनुपर्ने बताए । सुुनुवारहरुले आफ्नो पुख्र्यौली भूमिलाई वल्लो किरात क्षेत्रका रुपमा स्थापित गराउनका लागि सम्पूर्ण सुनुवारहरु जागरुक हुनुपर्ने पनि बताए । कार्यक्रमा सुनुवार सेवा समाजका कोषाध्यक्ष उत्तमकुमार सुनुवार र संस्कृति विभागका संयोजक अमृत सुनुवारले आफनो मन्तव्य राखेका थिए ।

Share

किराँत सुनुवार सेवा समाज बेलायतले तेस्रो अधिवेशन सु-सम्पन्न l

फारन्ब्रो १४,
“भाषा, धर्म, सस्कृति, हाम्रो गर्नुछ जगेर्ना
किसुसेस युकेको पहिचान, जातीय चेतना”
भन्ने मुल नाराको साथमा किराँत सुनुवार सेवा समाज बेलायतले तेस्रो अधिवेशन  १४ डिसेम्बर २०१३ फारन्ब्रोमा  भव्यताको साथ सु-सम्पन्न गर्यो l उक्त कार्यक्रम साहित्यकार तथा कवियत्री भावना परिस्कृत द्वारा सन्चालन गरिएको थियो l  कार्यक्रममा स्वागत मन्तव्य सस्थाका माहासचिव छत्र सुनुवारले गर्नु भएको थियोभने मन्तव्यको क्रममा  सल्लाहकारहरु क्रमश: भू. पु (ब्रिटिश गोर्खा) का मेजर वीरु सुनुवार,  मोहन सुनुवार, कीशोर सुनुवार र भू.पू (किसुसेस बेलायत) का अध्यक्ष वीजय मुख़ियाले सस्थाको भावी कार्यक्रममा गर्नु गराउनु पर्ने कार्यनीतिहरु   तथा विगतका दिनहरुमा गरेका राम्रा नराम्रा दुवै पक्षहरुलाई औल्याउदै आ-आफ्नो मन्तव्य व्यक्त गरेका थिए l
त्यस पश्चात अध्यक्ष जंग सुनुवार, महासचिव छत्र सुनुवार र कोषाध्यक्ष पूर्ण कुमार सुनुवारले आ-आफ्नो कार्य प्रतिवेदन प्रस्तुत गरेका थिए l

दोस्रो चरण
किसुसस बेलायतको चौथो कार्य समितिको अध्यक्षमा मोतिराज सुनुवार
दोस्रो चरणमा निर्वाचन समितिकास संयोजक केदार सङ्केतको तत्वधानमा किराँत सुनुवार सेवा समाज बेलाएतको विधान नियमावली  इस्वी सम्वत् २००७, भाग २, धारा १९, दफा १३ को बमोजिम किसुसेस युकेको चौथो नयाँ कार्य समितीको गठनमा निम्न लिखित पदाधिकारीहरुको मनन-चयन गरियो l
१.        अध्यक्ष- श्री मोति सुनुवार (केन्ट, फोक्स्टोन)
२.        उपाअध्यक्ष- श्री यादव तुर्सुचा (फारंब्रो, ह्याम्पसाइर)
३.        महासचिव- श्री भक्तमान सुनुवार (लण्डन)
४.        सह-सचिव- श्री मोहन कुमार सुनुवार (फोक्स्टोन, केन्ट)
५.        कोषाध्यक्ष- श्री प्रकाश सुनुवार जिजिच (फारंब्रो, ह्याम्पसाइर)
६.        सह-कोषाध्यक्ष- श्रीमती सपना सुनुवार (केन्ट, फोक्स्टोन)
७.        प्रवक्ता- श्रीमती भावना सुनुवार परिस्कृत (फारंब्रो, ह्याम्पसाइर)
८.        केन्द्रीय सदस्य- श्री बुद्धि सुनुवार (केन्ट, फोक्स्टोन)
९.        केन्द्रीय सदस्य –श्री जीतेन्द्र सुनुवार (केन्ट, फोक्स्टोन)
१०.        केन्द्रीय सदस्य- श्रीमती शिरीस सुनुवार (केन्ट, फोक्स्टोन)
११.        केन्द्रीय सदस्य- श्री चन्द्रकुमार सुनुवार (पिटर्सब्रो)
१२.        केन्द्रीय सदस्य- श्री बज्रमान सुनुवार (केन्ट, फोक्स्टोन)
सवै नव-निर्वाचित पदाधिकारी सदस्यहरुलाई कार्यकालको उत्तर्रोतर सफलताको कामनाका साथै अधिवेशनमा उपस्थित हुनुभएका सम्पूर्ण किराँत सुनुवार समाज बेलायतलाई हार्दिक बधाई तथा धन्यवाद l

किसुसेस बेलायत

Share