November, 2013

now browsing by month

 

हार्दिक समवेदना

condolence

जन्म: २००२ असोज २ गते

हाम्रा ममतामयी माता प्रिती-५ रामेछाप निवासी श्रीमती खड्गमाया सुनुवारको मिति २०७० मंसिर १२ गतेका दिन असामयिक स्वर्गारोहण भइ अपुरणीय क्षति भएको दुःखद घडीमा समवेदना प्रकट गर्नुहुने सम्पूर्ण आफन्तजन, साथीभाइहरुमा हार्दिक कृतज्ञता प्रकट गर्दै उहाँको आत्मको चीरशान्तिको कामना गर्दै जेस्पुच जिखीपुरगिसँग समहित भइ याब्ले लागामा बास होस् भनी इँगिसँग प्रार्थना गर्दै दिवंगत आत्माको चीर शान्तिका हार्दिक समवेदना प्रकट गर्दछौं ।

श्रीमानः सूर्यबहादुर जेस्पुचा
छोराहरुः रुद्र सुनुवार
अशोक सुनुवार/श्रीमती पुनम सुनुवार
छोरीज्वाइँ: सरस्वती सुनुवार/टिकाराम सुनुवार
नाति: विकल्पराज सुनुवार
छोरीहरुः पशुपति सुनुवार, सन्ध्या सुनुवार

Share

भावपूर्ण श्रद्घाञ्जली

भावपूर्ण श्रद्घाञ्जली

Gundasहाम्रा स्नेही छोरा स्व. गुन्दास सुनुवारको मिति २०७० साल कार्तिक २५ गते ३८ वर्षको अल्पायुमै असामयिक स्वर्गारोहण भइ अपुरनीय क्षति भएको दुःखद घडीमा समवेदना प्रकट गर्नुहुने सम्पूर्ण आफन्तजन, साथीभाइहरुमा हार्दिक कृतज्ञता प्रकट गर्दै उहाँको आत्मको चीरशान्तिको कामना गर्दै जेस्पुच जिखीपुरगिसँग समहित भइ याब्ले लागामा बास होस् भनी इँगिसँग प्रार्थना गर्दै भावपूर्ण श्रद्धाञ्जलि अर्पण गर्दछौं ।
श्रीमती : बिमला सुनुवार
बाबाआमा : लालबहादुर/लालमाया सुनुवार
दाजु : आइमान/भाइ : रुकमान/बुहारी : सपना सुनुवार
दिदी : प्रेमकुमारी सुनुवार/दिदी : गंगामाया सुनुवार/भेना : टंकराज सुनुवार
दिदी : मिना सुनुवार/भेना : मनोज मुखिया/बहिनी : राधा सुनुवार
भतिज भतिजी : सुमन/जनातन/रुबी/अबिगिल सुनुवार
भान्जा भान्जी : राजु सुनुवार/सञ्जय मगर/युगेन/खगेन सुनुवार/पुष्पा मगर/रोजीना सुनुवार

Share

रेडियो लिखु ९१.३ मेगाहर्जको भव्य समारोहका साथ उद्घाटन

सुनुवार डट ओआरजी समाचारदाता ।
‘पहिचानको लागि सञ्चार’ नारा लिएर स्थापना गरिएको रेडियो लिखु ९१.३ मेगाहर्जको आज एक भव्य कार्यक्रमका साथ प्रमुख अतिथि सुनुवार सेवा समाजका केन्द्रीय अध्यक्ष श्री मनप्रसाद सुनुवारले उद्घाटन गर्नुभयो ।
कार्यक्रममा गुप्तेश्वर गाविसका स्थानीय बासिन्दालगायत आसपासका सुनुवार गाउँहरुबाट आफ्नो परम्परागत सुनुवार भेषभूषामा भव्य उपस्थिति थियो । उक्त अवसरमा सुनुवार परम्परा अनुसार नाःसो मानवीर सुनुवारले जोर सगुन राखेर पिदार गर्नुभएको थियो भने पोइँब सन्तबहादुर सुनुवार टावरको फेदमा पोइँब सिल गरी पिदार गर्नुभएको थियो ।
उक्त कार्यक्रममा गुप्तेश्वर गाविसका ज्येष्ठ नागरिकद्वय गंगाबहादुर सुनुवार र देवबहादुर सुनुवुारलाई दोसल्ला ओढाइ ज्येष्ठ नागरिकको शिर उठाएर सम्मान गरियो । नागरिक सम्मानका क्रममा सुनुवार सेवा समाजका केन्द्रीय अध्यक्ष मनप्रसाद सुनुवारले आज हाम्रो गाउँमा सूचनाको एउटा खुडकिलोका रुपमा यो रेडियो स्थापना गरिएको र उक्त कार्यक्रमलाई यहाँका स्थानीय तथा आसपासका छिमेकीहरुले निकै चासोका हेरिएकाले अब सूचना र सञ्चारका लागि यस क्षेत्रमा एउटा कोसे ढुंगा साबित हुने कुरा बताउँदै यसलाई हामीले अझ उत्कृष्ट बनाउन सबैको अझ सहयोग चाहिएको कुरा बताउनुभयो ।
कार्यक्रममा शुभकामना मन्तव्य दिँदै सुनुवार सेवा समाज रामेछाप जिल्ला समितिका सचिव श्री चन्द्रकुमार सुनुवारले अबको दिनमा आदिवासी जनजातिलगायत यस क्षेत्रका जनगुनासो तथा विकासका प्रत्येक खुडकिलाहरुलाई रेडियोको सहयोगमा अझ अगाडि बढाइने तथा यहाँ रहेका हरेक भाषाभाषीलाई रेडियोमार्फत प्रचारप्रसार गरेर भाषा र संस्कृतिको प्रवद्र्धन गर्न सकिने बताउनुभयो ।
शुभकामनाकै क्रममा सुनुवार सेवा समाज प्रिती गाउँ समितिका अध्यक्ष श्री सञ्जितकुमार सुनुवारले वर्षौदेखि दबाएर राखिएको हाम्रो भाषा र संस्कृतिको यस रेडियोमार्फत प्रचारप्रसार गरेर पुनः जागृत गराउनुपर्ने कुरामा जोड दिनुभयो । हाम्रो संस्कृति, भाषालाई जिवन्त राख्न अझ रेडियो लिखुले पनि एउटा इँटा थपिदिएको कुरा बताउनुभयो ।
शुभकामना दिनेहरुमा स्थानीय संघ–संस्थाहरु, आमा समूह, गरिबी निवारण कोष, स्वास्थ्य स्वयंसेविका समूह, परिवार स्वास्थ्य कार्यक्रम परिवारहरुले आआफ्नो तर्फबाट शुभकामना व्यक्त गर्नुभयो ।
कार्यक्रमलाई सम्बोधन गर्दै सुनुवार सेवा समाज गुप्तेश्वर गाउँ समितिका अध्यक्ष श्री उत्तरकुमार सुनुवारले भन्नुभयो– सदरमुकाम र नेताको आँखामा नपरेका विकट सुनुवारबस्तीमा आज आफ्नै प्रयासले सामुदायिक रेडियोको स्थापना गर्न पाएकोमा हर्षविभोर भएको र यसलाई अझ समुदायको बनाउन हरेक गाउँका बुद्धिजीवि, व्यापारी, शिक्षक, विद्यार्थी, युवायुवतीहरुको साथ चाहिएको कुरा पनि बताउनुभयो ।
कार्यक्रम सुनुवार सेवा समाज गुप्तेश्वर गाउँ समितिका अध्यक्ष श्री उत्तरकुमार सुनुवारको सभापतित्व तथा सुनुवार सेवा समाज केन्द्रीय समितिका अध्यक्ष श्री मनप्रसाद सुनुवार प्रमुख आथित्यमा सम्पन्न भएको थियो ।

Share

आजबाट रेडियो लिखु परीक्षण प्रसारणमा…

DSC00208सुनुवार डट ओआरजि समाचारदाता ।
रेडियो लिखु ९१.३ मेगाहर्ज ‘पहिचानको लागि सञ्चार’ नारा लिएर आज (कात्तिक १५ गते) ४:३० बजेदेखि परीक्षण प्रसारण आरम्भ भएको छ । उक्त परीक्षण प्रसारण सुनुवार संस्कारअनुसार नाःसो श्री अम्बरबहादुर सुनुवारले जोर सगुन राखेर विधिवत गर्नुका साथै सुनुवार सेवा समाजका क्न्द्रीय अध्यक्ष श्री मनप्रसाद सुनुवारज्यूबाट ‘ट्रान्समिटर अन’ गरेर उद्घाटन गरियो ।
परीक्षण प्रसारण विधिवत सुरु गरिए पनि स्थानीयबासी, पोइब, ग्याँमिसहित भोलि भव्य कार्यक्रम गर्ने कुरा एक स्थानीय समाजसेवी युवाले बताउनुभयो । उक्त कार्यक्रममा विभिन्न झाँकीसहित रेडियो परिसरमा पुगी कार्यक्रम आरम्भ गर्ने कुरा पनि बताउनुभयो ।
हाल परीक्षण प्रसारणमा रहेको रेडियो लिखु रामेछाप, ओखलढुंगा, सोलुखुम्बु, सिन्धुली, दोलखा, सिन्धुपाल्चोक, खोटाङ र उदयपुर जिल्लाका आसपाससम्म सुन्न सकिनेछ ।

Share