May, 2013

now browsing by month

 

हार्दिक निमन्त्रणा

किरात कोइँचहरुको महान् चाड शाँदार पिदारको उपलक्ष्यमा काठमाडौं टुँडीखेलमा हुन गाइ रहेको शाँदार पिदार हाँसालताम-साल कार्यक्रममा उपस्थित हुन हार्दिक अनुरोध छ ।
समय : ११.०० बजे ।
मिति : २०७० जेठ १८ शनिवार
स्थान : टुँडीखेल, शहिदगेटसँगै ।
आयोजक
सुनुवार सेवा समाज
जिल्ला समिति, काठमाडौं ।

Share

ललितपुरमा शाँदार बुल्फे सम्पन्न

DSC0 2222चुप्लु दमलोच । सुनुवार सेवा समाज ललितपुर जिल्ला समितिले आज साँझ सुनुवारहरुको परम्परागत शाँदारपिदारको बुल्फे कार्यक्रम सम्पन्न गरेको छ । उक्त अवसरमा ललितपुर, भक्तपुर तथा काठमाडौंमा बसोबास गर्ने सुनुवारहरुको उपस्थिति रहेको थियो । साँझ ६ः१५ बजे नाःसो कान्छाराम सिकारीले शाङ पिदार गरी शुरु गरिएको पिदारमा पुख्र्यौली थलोको प्लेत्ति (प्रिती) मा गर्ने गरिएको बुल्फे विगत केही वर्षदेखि सुनुवार सेवा समाज ललितपुर जिल्ला समितिले पनि सुरु गरेको थियो । भोलि ८ः३० बजे हात्तिवन शाँदारग्योरमा पुगेर पूजाआजा गरी ११ः३० बजे नखिपोट खेल मैदानमा नाच्ने कार्यक्रम रहेको नखिपोटमा सम्पन्न भएपश्चात आउने शनिबार टुँडिखेलमा नाचिने कुरा जिल्ला समितिका सचिवले बताउनुभयो ।
यस वर्षको शाँदार पिदार देशका विभिन्न ठाउँ इलाम, झापा, पाँचथर, सुनसरी, सर्लाही, सिन्धुली, काठमाडौं, काठमाडौंकै लप्सीफेदी, ओखलढुंगाको खिँचि चण्डेश्वरी र रामेछापको प्लेत्ति (प्रिती), भुजी र बेतालीमा धेरै वर्षपछि शाँदार गरिने जानकारी प्राप्त भएको छ । यसैगरी विदेशमा युके, कतार र हङकङमा भव्य रुपले मनाउने जानकारी प्राप्त भएको छ ।

Share

सुनुवार सेवा समाज सिरहा सम्मेलन सम्पन्न

चुप-लु दाम-लोच
जेठ, सिरहा । सिरहाली कोइँच (सुनुवार) को इतिहासमा सुनुवार सेवा समाजको तेस्रो जिल्ला सम्मेलन – २०७० सम्पन्न भएको छ । २०३९ सालमै सिरहाका कोइँचहरु संगठित भएका भए पनि कोइँच हक अधिकारको लागि चेतनाको विकास भने त्यति पुरानो भएको देखिँदैन । भर्खरै सम्पन्न सुनुवार सेवा समाज जिल्ला सम्मेलनले १) कोइँच पहिचानको लागि कोइँच भेषभूषा सम्बन्धी शिप विकास तथा प्रयोगमा जागरुकता, २) आधारभूत कोइँच मातृभाषा प्रशिक्षण, ३) जनचेतना अभिवृद्धि कार्यक्रम, ४) आर्थिक अभिवृद्धि कार्यक्रम, ५) कोइँचको मानव अधिकार सम्बन्धि जनवकालता कार्यक्रम साथै केन्द्रीय सुनुवार सेवा समाज र अन्य जातीय संगठनसँग समन्वय गर्ने प्रस्ताव पारित गर्दै पृथ्वीराज सुनुवारको अध्यक्षतामा एघार सदस्यीय नयाँ जिल्ला कार्य समिति गठन गरेका छन् । डम्बरबहादुर सुनुवारको संयोजकत्वमा हिराबहादुर सुनुवार र कमलबहादुर सुनुवार सदस्य रहेको निर्वाचन समितिले उपाध्यक्ष, सचिव, सह-सचिव, कोषाध्यक्ष तथा सदस्यहरु क्रमशः नरबहादुर सुनुवार, सन्तोषकुमार सुनुवार, कौशिल्य सुनुवार, नयन सुनुवार, सुमन सुनुवार, हिरामाया सुनुवार, कौशिल्या सुनुवार, केशव सुनुवार, दिलबहादुर सुनुवार र आशाकुमारी सुनुवार जिल्ला कार्य समितिमा रहेका छन् ।
सम्मेलनको प्रमुख अतिथि सुनुवार सेवा समाज केन्द्रीय समितिका प्रथम उपाध्यक्ष रणवीर सुनुवारले हाम्रा केही कोइँच नेताहरुलाई पार्टीले टाउको खुट्टा छोइदिए पछि मात्र चेतना आउने भएको हुँदा कोइँचको मानव अधिकारका लागि निर्वाचित नयाँ कार्य समितिले त्यस्तो भ्रमलाई चिर्ने कार्य अगाडि बढाउँदै पहिचानसहितको संघीयता र संघीयतासहितको संविधान जारी गर्न अब आउने निर्वाचनमा जुन पार्टीले कोइँचको हक अधिकारको सुनिश्चित गर्ने प्रतिवद्धता जनाउँछ त्यो पार्टीलाई सहयोग गर्न तथा वल्लो किरातको लागि आवज उठाउन पनि निर्देशन गर्नु भयो । Read More

Share

सुनुवार सेवा समाजको अत्यन्त जरुरी सूचना

सुनुवार सेवा समाज विगत २०४५ सालदेखि सम्पूर्ण सुनुवारहरुको भाषा, धर्म, संस्कृति तथा कोइँच (सुनुवार) हरुको उत्थानका लागि खोलिएको सामाजिक तथा अधिकारवादी संस्था भएको सर्वविदितै छ । प्रधानमन्त्री अध्यक्ष रहेको नेपाल सरकार स्थानीय विकास मन्त्रालय, आदिवासी जनजाति उत्थान राष्ट्रिय प्रतिष्ठानको सञ्चालक परिषद्को सदस्य, नेपाल आदिवासी जनजाति महासंघको सदस्य संगठन, आदिवासी जनजाति उत्थान राष्ट्रिय प्रतिष्ठान ऐन २०५८ को अनुसूची १ मा उल्लेखित नेपाल सरकारबाट सूचिकृत मान्यता प्राप्त सम्पूर्ण कोइँच (सुनुवार) को प्रतिनिधिमूलक एक मात्र साझा संस्था हो । यस अन्तर्गत नेपाल अधिराज्यभर जिल्ला, क्षेत्र र गाउँ समितिसमेत रहेको  अवगत गराउन चाहन्छौं ।

जसमा सम्पूर्ण कोइँच (सुनुवार) विद्यार्थीको प्रतिनिधिमूलक संस्था सुनुवार विद्यार्थी समाज, कलाकारको संस्था सुनुवार कलाकार तथा चलचित्रकर्मी समाज र महिलाको सुनुवार महिला समाज रहेको पनि अवगत गराउँदछौं ।
विगत केही समयदेखि विभिन्न जिल्ला तथा गाउँहरुमा अन्य संघ संस्थाका सम्बन्धन प्राप्त राजनीतिक दलका भातृ संगठनहरुले स्वघोषित रुपमा हामी नै सुनुवारहरुको आधिकारिक संस्था हौ भन्दै विभिन्न गतिविधिहरु सञ्चालन गरेको विभिन्न निकायहरुबाट जानकारी प्राप्त हुन आएकोले त्यसबाट सम्पूर्ण कोइँच (सुनुवार) हरुलाई सुनुवार सेवा समाज एक मात्र सम्पूर्ण सुनुवारहरुको छाता संगठन भएकोमा द्विविधा नहुन सुनुवार सेवा समाज केन्द्रीय समिति हार्दिक अनुरोध गर्दछ ।

मनप्रसाद सुनुवार
अध्यक्ष
सुनुवार सेवा समाज
केन्द्रीय समिति, काठमाडौं

फोनः ०१४१५४०५०

Share

Sunuwar bhasa Radio 2070-02-05

[audio:http://www.sunuwar.org/radio/shander bisesh sunuwar s pro 05-02-2070.mp3]

Click on play icon to play koinch ( sunuwar ) radio

Radio Tiphadi  (Ramechhap)

Share

हार्दिक आव्हानसहित निमन्त्रणा

सुनुवार सेवा समाज जिल्ला समिति ललितपुरले सदा भैंm यस वर्ष पनि शाँदार पिदारमा सुरो चोअतेक कार्यक्रम निरन्तर जारी राखेको हुँदा यही आउँदो २०७० जेठ ११ गते शनिवार किरात माङहिम हात्तीवनमा शाँदार पिदारको लागि आफ्नो परम्परागत कोइँच भेषभूषामा उपस्थित भई नखिपोट खेल मैदानमा मनोरञ्जन गर्दै दिउँसो ४ बजे ललितपुर जिल्लाका कोइँचको घर घरमा सुरो चोअचा कार्यक्रममा उपस्थित हुन हार्दिक अनुरोध गरिन्छ ।

सुनुवार सेवा समाज जिल्ला समिति ललितपुर
ज्ञानचोक, ललितपुर उपमहानगरपालिका १४

Share

कोइँच (सुनुवार) को महान चाड किरात चाड शाँदार पिदार मनाइँदै

सुनुवार डट ओआरजि समाचारदाता
५ जेठ, यालाखोम । सुनुवार सेवा समाज केन्द्रीय समितिले सुनुवार सेवा समाज जिल्ला समिति, काठमाडौं, ललितपुर, भक्तपुर, रामेछाप लगायत सबै मातहतका समितिलाई यही आउँदो २०७० जेठ ११ गते भव्यरुपमा आदिवासी जनजाति कोइँचको महान चाड शाँदार पिदार मनाउन निर्देशन दिएको छ । अध्यक्ष मनप्रसाद सुनुवारद्वारा हस्ताक्षरित उक्त निर्देशन पत्रमा सबै कोइँच बन्धुहरुलाई आ–आफ्ना शाँदार मन्दिर नजिकमा गई सहभागी हुन पनि अनुरोध गरिएको छ । यस वर्ष पूर्व इलामदेखि पस्चिम काठमाडौंसम्म शाँदार पिदार गरिँदै छ भने हङकङ, बेलायत, कतारमा समेत यस दिन शाँदार पिदार गर्ने गरिन्छ ।

Share